Numera 1 Sauaga i Totonu o Aiga i lo se isi lava Soligatulafono i Totonu o Samoa

0
275

“O loo numera tasi sauaga i totonu o aiga, nai soo se isi lava soligatulafono i totonu o Samoa.”

O le saunoaga lea a le Sui Komesina o le Matagaluega o Leoleo, Papalii Efo Moalele.

Saunoa Papalii, “E 493 matupu o sauaga i totonu o aiga na faamauina i le tausaga 2022. Peitai o le masina o Ianuari e oo mai i le masina o Novema 2023, o loo faamauina e 569 mataupu tau sauaga i totonu o aiga na oo atu i totonu o le Matagaluega o Leoleo.”

“E tusa ma le 15% ua siitia ai le aofai o mataupu tau sauaga i totonu o aiga i lenei tausaga, pe a faatusatusa atu i le fuainumera o le tausaga talu ai, ma o se tulaga le lelei lea ona o loo maitauina o loo alualu pea i luga sauaga i totonu o aiga, ae ua tele taumafaiga o polokalame ma faalauiloa o faatino e momoli atu ai le feau ia taofi, peitai e le o faaitiitia.”

Na faailoa foi e Papalii, o itu o loo faamauina e le Matatgaluega e faatupulaia ai sauaga, o le ava malosi, sauaga mafua mai le tagofia o fualaau faasaina ma sauaga mafua mai i faafitauli e tulai mai i le va o ulugalii.

I se suesuega sa lomiaina i le 2018 – National Inquiry Report on Family Violence – o loo faamauina ai e lē o ni mafuaaga itu nei, ae o itu e faatupulaia ai – triggers and contributing factors.

Faamaumauga o sueseuga sa faatino e le Komisi o Sulifaiga ma le NHRI (National Human Rights Institute) a Samoa, 2018.

O le mafuaaga o sauaga, o le manatu o se tasi, e iai lona aia tatau poo le paoa e faaoolima ai i se tasi.

Peitai ua tāua e le Sui Komesina, o itu nei o loo faamauina ai le televave ma le faatuputupulaia o soligatulafono o loo tutupu mai i totonu o aiga.

Taua foi e le Sui Komesina, “E ese mai itu nei e tolu, ae ua maitauina foi le agai mai i luga o sauaga e mafua mai i mataupu tau fanua poo le eleele, aemaise o sauaga e mafua mai i suafa o aiga.”

E lei maua mai poo lea se aofaiga poo le fuainumera o sauaga sa tulai mai ona o itu eseeese uma nei.

Visit SOS stores at Togafuafua and Salelologa.

I le agai atu o le folauga o le atunuu i le faaiuga o lenei tausaga, ua tuuina mai ai se feau lapatai mai le Matagaluega e tau ala mai le Sui Komesina..

“O le a ave le faamuamua a le Matagaluega e tali atu ai i soo se mataupu tau sauaga i totonu o le aiga e ripoti mai i totonu o le Ofisa.”

Vacancy

Call the SVSG Help Line

SVSG Help Line is available 24 hours a day and Free to Call.