Home Government Saunoa Tuilaepa ua Tatau ona Faamavae le Fofoga Fetalai ae Tali Papalii,...

Saunoa Tuilaepa ua Tatau ona Faamavae le Fofoga Fetalai ae Tali Papalii, E Leai Sau Feau

0
1760

Ua fetalia’i le Taitai o le Itu Agai ma le Fofoga Fetalai o le Maota, i se faaaliga finagalo i le mataupu lea sa tuuaia ai le lē faatinoina o siaki masani (pre-boarding security screening) ae lei tuua le atunuu e le Fofoga Fetalai i se malaga mo Niu Sila i le Aso 28 Novema 2024.

I se feiloaiga a Tuilaepa Sailele Malielegaoi ma le au faasalalau i le vaiaso nei, na saunoa ai Tuilaepa, ua tatau i le Fofoga Fetalai ona faamavae mai lona tofiga, ona ua tauleagaina le  atunuu o Samoa i faasalalauga i nusipepa mai atunuu i fafo.

“Ua tatau ona silasila iai ma fai iai se faaiuga.. O le mea taua, e tatau ona faamavae, o le mea lena e tatau ona fai, e tatau ona faamavae.

Saunoa le Taitai a le Itu Agai, “O le mea e pito sili ona mataga, ua faasalalau i le pepa a Niu Sila, O le Fofoga Fetalai o Samoa, e sau mai Sapapalii, ma ua tauvalea uma ai ma lenei nuu o Sapapalii.”

Peitai, ina ua fesiligia e le TV1 Samoa le Fofoga o le Maota ia Papalii Li’o Oloipola Taeu Masipau, sa ia saunoa manino, e leai se feau a Tuilaepa i lea mataupu, ma e leai se mea o le a faamavae ai, ona e leai se mea faapea na tupu.

Saunoa Papalii, o ia o se loia, e na te malamalama i le upu “detain” ma le “detention”.

“O lea e talanoa i upu faatulafono ae o a’u e malamalama lelei i le tulafono.. O le eseese lena.”

“O lena ua uma ona tuuina atu la’u faasalalauga, and that’s it, nothing else.”

Na tula’i mai lenei mataupu ina ua faasalalauina e le Samoa Obsever le faigamalaga a le Air New Zealand 993 i le Aso 28 Novema, ma tuuaia ai, e le’i faatinoina siaki masani a i latou sa agaí tu i le vaalele, mai le Maota VIP i Faleolo.

O le lipoti, e faapea e toafa le pasese e aofia ai ma le susuga ia Papalii ma se Minisita o le Kapeneta. Ae ina ua fesiligia i latou pe sa faatino siaki masani mo le puipuiga o pasese uma o le vaa, sa tali le Fofoga Fetalai ma le Minisita, ioe, ae sa tali isi pasese e toalua, e leai.

I lenei lava mataupu ua tuuina mai se tusi a le Air New Zealand, i se latou popolega i le oo atu o pasese i luga o le vaa, ae lei faatinoina siaki masani e mautinoa ai e le o avatua ni oloa poo ni auupega matautia i luga o le vaalele.

O le asō foi ua lipotia ai e le Samoa Observer le tali atu a Olo Fiti Vaai agai i le Air New Zealand, e pule le Minisita i le malae vaalele a Samoa ma o ia faatagaina le Air New Zealand e ofi mai i Samoa.

PUBLIC NOTICES

DELICIOUS CAKES IS HIRING

BANK SOUTH PACIFIC’S ANNUAL SCHOLARSHIP PROGRAM

NATIONAL BANK OF SAMOA IS

LEAVE A REPLY

Please enter your comment!
Please enter your name here