Press Release, Samoa Ua Potopoto. “Tele vaega o le Tala o le Tupe na teena e le Palemene na mavae atu nei, o loo aofia i le Tala o le Tupe o le a talanoaina e le Palemene.”. Ua faalauiloa le finagalo o le sa avea ma Palemia o Samoa Hon Fiame Naomi Mataafa, e tusa ai o le ripoti o le Tala o le Tupe a le Atunuu lea ua taatia nei I le Palemene e fai iai se finagalo o le Maota I se taimi ua le toe mamao.
Saunoa Fiame, e leai se eseesega o le Tala o le Tupe na faalauiloa I le Aso Gafua na sei mavae nei, ma le tala o le tupe lea na saunia e lana Kapeneta ao tu mai I le foe e taiataia le Malo
“O le tala o le tupe na tuuina mai i le Aso Gafua e le Minisita o Tupe Mulipola Anarosa Ale Molioo, o le ripoti lava lea na teena muamua e se vaega a le FAST lea na faatea ese, e aofia ai le HRPP, ma mafua ai loa ona toe faia le palota a le Atunuu..
“O le fesili aisea na teena ai, ae o lea ua toe tuuina mai?”
Na saunoa Fiame, o le tala o le tupe lea ua tuuina mai, e tutusa mai le tala o le tupe na teena, ma o loo aofia ai faiga faavae na fesoasoani malosi e faamalosia ai le mautu o le tamaoaiga o Samoa.
“Talu mai le tausaga faaletupe 2021/22, ua paʻu ai le aitalafu a le atunuu mai le $949.5 miliona tālā i le $760.4 miliona tālā i le tausaga faaletupe 2024/25, ae ua paʻu foi le pasene o le aitalafu i le GDP mai le 41.0% i le 21.2%.
E ono nonogatupe ua totogi atoatoa – e lima mai fafo ma le tasi i totonu o le atunuu.”
“O le paketi foi na siitia ai le totogi maualalo na iai tagata faigaluega mai le $3.00 tālā i le $4.84 sene i totonu o le lua tausaga, ma faateleina ai tupe teu mai fafo mai le $0.8 piliona tālā i le $1.6 piliona tālā, ma siitia ai le malosi e ufiufi ai oloa mai fafo mai le 10.9 i le 15.2 masina.”
“O le ausiaina o le silia ma le $1 piliona i tupe teu mai fafo ia Me 2023 o se laasaga maualuga , ua ogatasi ma le 60 tausaga o le tutoʻatasi o Samoa.”
O le lagolago malosi i le vaega o turisi talu mai le FY2021/22 — e ala i fesoasoani, nonogatupe faafaigofie, ma faamanuiaga — ua mafai ai ona tatalaina nisi o faletalimalo fou e pei o le Survivor Samoa Resort, Mulifanua Beach Resort, Laʻimoa Hotel, ma le Sheraton Samoa Aggie Grey’s Hotel and Bungalows, faatasi ai ma le toe faafouina o nofoaga e 57 e aofia ai nofoaga o turisi, aganuu, ma talaʻaga.
SNPF Assistant Finance Manager
Ua vaaia foi se suiga lelei tele I le kamupani vaalele a le atunuu, Samoa Airways lea ua paʻu le aitalafu mai le $80 miliona tālā ia Iuni 2022 i le $10 miliona tālā ia Iuni 2025, ua siitia le vaega o tupe (equity) mai le -$54 miliona tālā i le $33 miliona tālā, ma ua maua ai le $87 miliona tālā i tupe maua mama i totonu o le tolu tausaga, faatusatusa i tupe leiloa e $93 miliona tālā i le lima tausaga ua mavae.
Ua faateleina pea galuega mai le 96,721 i le FY2021/22 i le 104,976 i le FY2024/25, e lagolagoina e galuega fou e 153 e ala i Ofisa o Itumalo, polokalame atinaʻe tomai a nuʻu, ma polokalame lagolago mo pisinisi laiti ma tupulaga talavou.
Ua siitia auina atu i fafo oloa mai le $82.9 miliona tālā i le FY2021/22 i le $105.0 miliona tālā i le FY2024/25, o se faamaoniga o le gafatia o Samoa i fefaatauaiga faavaomalo ma le aogā o polokalame faatamaoaiga a le malo.
Don’t miss out on this massive Clearance Sale!
Na faaalia e le sa avea ma Minisita o Tupe, Lautimuia Uelese Vaʻai, le tāua o nei faiga faavae, ma ia taʻua ai o loo atagia mai ai fuafuaga tatau sa faapea ona faatinoina e le Kapeneta na sei mavae nei, e pine lugao fuafua tatauina o auala uma mo le manuia o le atunuu.
Saunoa Lautimuia, “O le tala o le tupe e le na o ni numera i luga o se pepa aua ae o le tala o le tupe ua tuuina mai o le ripoti lava lea e tasi na ia faamoemoe e tolaulau I luma o le Palemene na mavae nei ae peitai e lei faataunuuina lona talanoaina”.
O le tala o le tupe e pei ona fuafua e talanoaina e le palemene, o loo aofia ai fuafuaga mamao na faataoto e le Kapeneta tuai mo le manuia o le Atunuu, e aofia ai faiga faavae mo le pulea tatauina o le faasoaina o le tupe, faapea ma vaega taua e tatau ona ave iai le faamuamua a le Malo.
Saunoa Fiame o le vaega taua, o le amanaia lea o le tala o le tupe na teena nei, aua le manuia o tagata uma o le atunuu.
“O le mea sili ona tāua, ia tumau le atunuu i se tala o le tupe mautu, ina ia mautinoa ai le manuia o tagata uma o Samoa.
Public Notices
- Samoa Wins Best Host Country Recognition at Miss Global - October 9, 2026
- ‘Ia Manumalo’: Signature Choir Releases New Anthem - October 9, 2026
- Spencer Leniu Joins Parramatta Eels on a Four-Year Deal - October 8, 2026
