O le Tama a Aiga le Afioga Tuiatua Tupua Tamasese Meaole, faapea le Susuga ia Malietoa Moli, na auai i se sauniga sa faia lea i Mulinuu, e faatino ai le suia o faitotoa o le Tia o loo lagomau ai Tapaau Faasisina.
I se faatalatalanoaga ma le Afioga To’oa Tosi Malietoa, o le Sa’o ga Lua o le Laueleele, na ia saunoa ai, “O le Tia Maa sa iai muamua, sa taoto ai le Susuga Malietoa Laupepa, sosoo ai lea ma Malietoa Tanumafili 1 (muamua). Peitai, o le tuumalo a Malietoa Tanumfalili 2, lea na fausia ai loa le Tia fou lea ma aumai ai loa ma Malietoa Laupepa ma Malietoa Tanumafili 1, lea e lagomau faatasi ai i le Tia fou.”
“O le autu la o le aso nei, o le toe faafou lea o le faitotoa o le Tia, ona ua faaletonu le laupapa sa pito i tua o le uamea sa pito i totonu o le faitotoa o le Tia.”
O Tooa Tosi, o se alo e faasinoa ia Maleitoa Tanumafili 2, o lona tuagane o Moli o loo suafa nei i le suafa o Malietoa.
O le meaea o le se sauniga puupuu, ona momolia lea o faaaloaloga o le aiga o le Tama Aiga Tupua Tamasese Meaole, agai i le Tapaau Faasisina Malietoa Moli.
O le sauniga o lenei aso, e nao aiga o tupu ma le ekalesia Bahai Samoa na auai ai.
- “O se meaalofa mo si o’u tamā ua fai’ilagi lana folauga, ma si o’u tinā sa tapua’i ma loimata” - December 1, 2023
- USD$500 ua Faasalaina ai Samoa Airways e le Malo o Amerika Samoa i le Mataupu a le Faipule Salega 1 - November 30, 2023
- Faamaonia Moliaga a se Alii sa Faigaluega i Le Ofisa o Tiute i Lona Aumaia o Fualaau Faasaina i Totonu o le Atunuu - November 30, 2023
