Sauniga Faapitoa mo Vaasilifiti Moelagi Jackson

0
1086

O le afiafi nei na faia ai le sauniga faaleaiga o le tina ia Vaasiliifiti Moelagi Jackson, o se sauniga ese fo’i lona faatinoga e le fanau. O le tele o sauniga faapea e vaaia ai le faavauvau o aiga ma fanau peitai sa tapenaina le hall a le SCOPA i se itu maoae e pei o se faaipoipoga.

Sa faataunuuina lea faamoemoe i le Hall a le SCOPA i Vaivase, ma sa auai ai uo ma aumeamamae a le tina ua lauiloa i ona tofiga sa iai i totonu o Samoa faapea le Pasefika.

Sa vaaia se au fai pese ma a latou ukulele, ma fai ai pesepesega ma avanoa e saasaa ai foi le fanau e patipatia le soifua o le latou tina ua tele ni galuega lelei ua mulimulitai ia te ia.

O se sauniga e talafeagai lelei ma Vaasilifiti i ona itu uma.

O le molimau muamua na valaau o le faletua ia Roina Vavatau Taufao, o se uo mamae, a’o se sa va’ava’alua ma le Afioga ia Vaasiliifiti i le faalapotopotoga o le SUNGO i tausaga e tele ua mavae.

 

Na ia taua o Moelagi o se auauna ta’uaogaina, o ia o se sui faavae o le Faamalu o Faalapotopotoga Tumaoti o Samoa i le 1987.

Sa avea ma Peresitene o lea faalapotopotoga mai le 2008 i le 2011 e tusa ma le 2 paeaiga o avea o faatautaia e lea tina le faalapotopotoga aua e tai lua tausaga ma palotaina le tofi Peresitene.

Sa avea foi ma Sui Peresitene i tausaga mulimuli ane ai, ae le gata i lea sa auai foi Vaasilifiti i le Komiti Faavae ma Peresitene o le Koluse Mumu.

“She is a mentor, a leader, a special friend, she was known as a high chief”, o le tala lea a Roina Vavatau.

E toavalu le fanau a Vaasilifiti, 29 grandchildren, 14 ana fanau fai. Na amata lona soifua aoaoina i le Aoga Tulagalua i Faga o Malo, sosoo ai ma le Kolisi o Samoa ae faaiu i le Aoga Faafaiaoga.

Sa galue o se faiaoga, ma o ia foi sa faatautaia le Safua Hotel mo ni tausaga se tele.

O se tina e fiafia i faafiafiaga, e toa lona loto ma lona naunautaiga e atiinae lona aiga, Ekalesia faapea faalapotopotoga tumaoti a Samoa.


Maina Vai