26 Setema 2019, Apia Samoa. E $2,089.00 na foai atu e le Mariott International Run to Give mo le Sosaiete o le Kanesa i Samoa. O lenei tamoega e faia i faletalimalo uma i lalo o le Mariott lea e auai ai le Sheraton Samoa.
O lea seleni na mafai ona tuufaatasia e ala lea ia i latou sa auai ai i le tamoega na faatautaia i le Aso Toana’i o le vaiaso ua mavae.
O le Run to Give Sheraton Samoa na amatalia i le 2016, ma o seleni uma e maua e agai atu lea i le sosaiete o le Kanesa i Samoa.
O le tausaga nei la ua ausia ai se matatia o le silia lea i le 50 i latou sa tamomoe.
Na faaalia e le tamaitai o Desiree Ulia o le sa tuufaatasia lea polokalame sa maua lo latou fesoasoani i le taumafaiga e ala lea i le agai mai ai o nisi o lagolagosua ma fesoasoani i le tuuina mai o vouchers poo pepa tala oloa, e le gata i lea o le fesoasoani a le alaleo o le Radio Polynesia e faatalanoa ma unaia le faamoemoe.
Sa faailoa e Desiree o lenei polokalame alofa o loo faatino ai e le Run to Give, e le gata e saili fesoasoani mo isi ua mafatia e ala i seleni foai, ae maua ai foi le avanoa e mafuta ai ma fiafia faatasi.
Ae mo le Sosaiete o le Kanesa lava ia na faailoa e le tamaitai o Verona Parker o le sui o le sosaiete, le agaga faafetai ma le talisapaia e le Sosaiete o le limafoai ma le alofa atu e aunoa se taui o le polokalame o le Run to Give.
Na faailoa e le Alii pule o le faletalimalo o le Sheraton ia Brian Nathan o le polokalame lenei o se polokalame o loo faatino i le lalolagi atoa ma o faletalimalo uma o loo i lalo o le suafa Mariott o loo faatino ai lenei faamoemoe, ma e faatinoina foi i le aso lava e tasi.
“O le isi foi tulaga taua e ao ona silafia e le atunuu e iai se tasi o la matou au faigaluega ua uma ai le soifua i le faamai o le kanesa”.
O le faafetai a le Sosaiete o le Kanesa na fai ai le tamaitai o Verona Parker ma sui e faaleo le agaga faagae’etia ma talisapaia lenei foai faifaipea.
Sa faailoa foi o loo lumanai ai nei le isi foi faalauiloa o le matautia o lenei faamai, atoa ai ma tulaga e ao ona faatino i le polokalame ua taua o le Pinktober lea o le a amatalia i le vaiaso fou.
E lua masina sa tapena ai e le Sheraton Hotel ma ana paaga le polokalame saili seleni e pei ona faatinoina e le Run to Give, sa faataunuuina lea faamoeoe i le Malaefatu Playground i Sogi ma e tusa ma le 15 kamupani ma faalapotopotoga sa lagolagosua i lenei faamoemoe.
O nei taumafaiga uma ina ia faailoa le ogaoga o lenei ma’i i le lalolagi ma e le faailoga tagata foi, e maua soo se tagata peitai o polokalame nei o loo faatino atoa ai ma le faalauiloa e le sosaiete o tulaga uma i soo se kanesa, ma ala e puipuia mai ai le tagata mai le matautia o lenei faamai lea o loo iai nei taumfaiga.
Na faailoa e Verona o le kanesa o le susu le kanesa o loo maualuga lona fuainumera o tagata o le tatou atunuu o loo ua maua ai.
O masina taitasi e faa fa ona faatino ai polokalame a le soasiete i alalafaga i tua, e le gata i lea o loo iai matagaluega, kamupani ma faalapotopotoga o loo faatino ai nei polokalame faalauiloa ma lapataiga i taimi o malologa o galuega i le aoauli taitasi, ina ia mautinoa e lava silafia lo tatou atunuu i le tulaga ogaoga o le kanesa ma faasaoina mai ai.
The mission of the Samoa Cancer Society is to promote and facilitate the early detection and treatment of cancer and to provide long term and/or terminal cancer sufferers with access to palliative care.
The National Cancer Resource Centre will provide information to cancer sufferers and families: • Offer counselling services and rehabilitation activities • Enable health practitioners to consult books and on line research • Organise village visits to raise awareness of cancer symptoms, diagnosis and treatment • Promote early detection and screening for cancer.
(0)
