O loo tausailia e leoleo ni faamatalaga e fesoasoani ai i latou suesuega i se fa’aoogalima na aafia ai se ave taavale lau pasese laititi ma nisi.
Ua tatalo mai le matagalega a leoleo I le atunuu mo ni faamatalaga e tuuina atu e fesoasoani ai i a latou suesuega o loo faagasolo nei.
O lea faaoogalima na fasi ai se ave taavale la’u pasese laititi (taxi), faapea ma le tali telefoni o le fale taavale 777 i Mulinuu, faapea se isi talavou na aafia.
O se ata video na pue ma faasalalauina ao faia lea gaioiga faasolitulafono, o loo maitauina ai o ni alii talavou e to’aono ma se tamaitai o loo vaaia i lea ata.
I se finagalo a le Matagaluega o Leoleo, na saunoa ai le Komesina ia Auapaau Logoitino Filipo, o se alii talavou sa faaoolima iai foi nisi o talavou, e le mamao ese lava ma le fale taavale Triple 7.
Sa taumafai atu iai se ave taavale e taofi pe faafilemu, peitai, na aafia atu ai ma le ave taavale i le faaoogalima, seia oo na aafia atu ai ma le tali telefoni (base) o lea lava fale taavale.
O le taimi tonu lea o loo agai uma i tua ave taxi mo a latou pasese.
Na faamaonia mai foi e Auapaau, ua faaulu atu nei se tagi a le fale taavale o le Triple 7 e faasaga ia i latou sa faatinoina lenei faalavelave.
Sa tā’ua e le Pule o le fale taavale iā Nouata Nouata, o i latou lea e vaaia foliga i le video sa pueina, o nisi e masani ona faatau savali ula ma oloa i le po a’o tatala fale kalapu mo le vaiaso.
E le’i iai se tasi ua molia ae o loo faasolo pea iai suesuega a le Matagaluega.
Faailoa e Nouata, ua toe tete’a uma i tua latou na aafia ma faasolosolo manuia.
O le nofoaga i Sogi na tulai mai ai lea faalavelave i le faaiuga o le vaiaso.
Public Notices
- “O se meaalofa mo si o’u tamā ua fai’ilagi lana folauga, ma si o’u tinā sa tapua’i ma loimata” - December 1, 2023
- USD$500 ua Faasalaina ai Samoa Airways e le Malo o Amerika Samoa i le Mataupu a le Faipule Salega 1 - November 30, 2023
- Faamaonia Moliaga a se Alii sa Faigaluega i Le Ofisa o Tiute i Lona Aumaia o Fualaau Faasaina i Totonu o le Atunuu - November 30, 2023
