Saili e Leoleo ni Faamatalaga i se Vanguard Uliuli R5… na Faamanu’alia ai se Alii Talavou i se Aupega Malosi

"E fa'apea fa'amatalaga sa fa'aaogaina ai e se tasi na malaga atu i se taavale se aupega malosi (fana) ma fa'apa i lea vaega.."

0
6170

E 21 tausaga o se alii o loo togafitia nei i le falemai i Motootua ina ua fa’amanu’alia i se faalavelave matautia na tula’i mai i le po o le Aso Toanai 16 Mati 2024 i Sinamoga.

I se Pepa o Faamatalaga a le Matagaluega o Leoleo, Falepuipui ma le Toefuataina, o loo latou talosagaina ai se fesoasoani mai le mamalu o le atunuu e uiga i lea mataupu.

“Pe tusa o le itula e 11 i le po o le Aso Toanai na tula’i mai ai lenei mataupu i le vaega tonu o loo iai le kolosi i Sinamoga e latalata ane i le vaega tonu o loo tu ai le falesa Metotisi a Sinamoga” i se fa’amatalaga a leoleo.

“E fa’apea fa’amatalaga [a nisi sa molimauina le faalavelave] sa fa’aaogaina ai e se tasi na malaga atu i se taavale se aupega malosi (fana) ma fa’apa i lea vaega..”

“Na fa’amanualia ai se alii talavou 21 tausaga o Sinamoga ma o loo taofia nei i le falemai i Motootua mai aafiaga i lona vae sa fa’amanualia.”

Tā’ua e leoleo o loo tau sailia nei ni fa’amatalaga i se taavale ituaiga o le VANGUARD, ae lanu uliuli.

O le numera o le taavale e amata i le R 5 ma e le’i maua e molimau sa iai isi numera mulimuli o le plate number i lea taavale.

O le VANGUARD ae maise o le lanu uliuli e tele lea ituaiga i Samoa nei. Peitai o le LTA o loo iai lisi o taavale uma, ae maise o taavale rent e amata i le R laisene number plate.

Ua tatalo mai le matagaluega mo soo se tasi na te silafiaina lenei taavale poo ni fa’amatalaga foi i lenei taavale ma le avetaavale.

“Fa’amolemole fa’afesootai mai le Ofisa Suesue Fa’apitoa i le numera 22 222 laina 1100, 1101, 1102, 1106 poo le imeli mai foi i le tuatusi: commissioner.sec@police.gov.ws ”

🤝Tatou galulue fa’atasi mo se Samoa Saogalemu🇼🇸


🚨🚨REQUEST FOR INFORMATION🚨🚨

Samoa Police, Prisons & Corrections Services is requesting information from the general public in relation to an incident that occurred at Sinamoga on Saturday night 16 March 2024, at around 11pm. Witnesses stated that a driver upon arriving at Sinamoga crossing near the Sinamoga Methodist Church discharged a firearm and as a result injured a 21 year old of Sinamoga. The 21 year old is currently being treated at the Motootua Hospital.

🚔 Police are looking for information in relation to a black VANGUARD vehicle with plate number starting with R.5, witnesses were not able to ascertain the rest of the plate number.

🙏If you have any information that may assist in locating the said vehicle and driver please contact the Criminal Investigation Division on telephone 22222 ext 1100, 1101, 1102, 1104 or email – commissioner.sec@police.gov.ws

🤝Working together for a Safe and Peaceful Samoa🇼🇸