Home Faa-Samoa Saili e leoleo le aiga o se alii na maua lona tino...

Saili e leoleo le aiga o se alii na maua lona tino maliu i Mulinuu

0
1470

O le vaitau o le faamanatuina o le tausaga fou sa maua atu ai e leoleo le tino maliu o se alii talavou i Mulinuu.

O tafatafa o le nofoaga tuai a le Ofisa o Faigapalota i Mulinuu sa maua atu ai lea alii o loo masalomia e i le va o le 30 ma le 40 tausaga le matua.

Saunoa le Komesina o Leoleo ia Auapaau Logoitino Filipo, o loo faagasolo suesuega a leoleo mo le tau sailia o le mafuaaga o le maliu ai o lea alii.

O le taimi nei, o loo taoto lona tino maliu i le fale maliu i Motootua.

E le’i māua lava se aiga o loo tausaili se latou tagata ma ua tatalo mai ai le Matagaluega o Leoleo i le mamalu o le atunuu mo se faamatalaga e maua ai lona aiga.

“O loo tausailia i le taimi nei se aiga, poo le afioaga fo’i o lē ua maliu nei.”

O lè ua maliu e iai ni pe’a ma ni faaupuga o loo ta i lona fatafata, ma nisi vaega o lona tino.

E tusa ai ma mataupu faapea, e talia se faaiuga a le Pule o Maliu Lilo (coroner) pe a maea suesuega a leoleo.

O le isi maliu i le vaitau o le Tausaga Fou, sa tulai mai i le motu tele o Salafai.

O se alii talavou na tietie i lana uila vili vae ae so’a e le taavale.

 

Saunoa Auapaau, “Ua molia e leoleo le ave taavale i moliaga o le ave taavale faatamala ua mafua ai le oti.” (dangerous  driving causing death).

O loo tatala i tua le ave taavale i aiaiga masani e talia ai le faagasologa o taualumaga o le Faamasinoga.

Sa iai fo’i se faalavelave matuia na tula’i mai i Vaimoso, lea na maliu ai se tamā ina ua ia tau vaovaoina ni vevesiga faaleaiga.

Available at Taula Headquarters, Saleufi Apia.

I faamaumauga a le Matagaluega o Leoleo, i le tuufaatasiga o mataupu i aso fiafia, sa iai lava i le atunuu le saoglemu ao alo faiva i le faamanatuina o aso faapitoa o le Kerisimasi ma le Tausaga Fou.

O le tuualalo a le Matagaluega e tauala mai i le afioga i le Komesina, ia tatou galulue faatasi ia maua se Samoa saogalemu aemaise se tausaga fou fiafia ma le manuia.

From SGN’s Online Public Notice Board:

From SGN’s Online Public Notice Board:

 

LEAVE A REPLY

Please enter your comment!
Please enter your name here