TEUTEUGA O POLOAIGA MO LE COVID 19- MALAGA TOGIPAU 16 Oketopa 2020
(OFISA OLE SO’OUPU); Ua faatulafonoina e le Ao Mamalu ole Malo le Tuimalealiifano Va’aletoa Sualauvi II le uigafono ua faamaonia e le Kapeneta mo Malaga togipau e taliu mai I fanua tagatanuu o Samoa o lo’o fia foi mai I le atunuu.
I lana Fonotaga FK(20) 41 o le Aso Lulu 14 Oketopa 2020, na talanoaina ai e le Kapeneta le Pepa ma faamaonia ai Teuteuga o Poloaiga mo le COVID 19 e pei ona auiliili atu i lalo:
- Polokalame o Faigamalaga ua Faatulaga mo le toe Faafoiina mai o Tagatanuu mo Samoa o lo o Poloka i Atunuu i Fafo:
- Le auina mai o tagatanuu o Samoa o lo o totoe i atunuu i fafo i malaga ua fuafuaina mo aso ua taua i lalo:
- Aso 30 Oketopa 2020
- Aso 13 Novema 2020
- Aso 27 Novema 2020 (malaga togipau USA/Europa)
- Aso 4 Tesema 2020
- Aso 11 Tesema 2020
- Malaga Togipau mai Los Angeles ma ona aiaiga
- Le malaga togipau mai Los Angeles mo Samoa e auina mai tagatanuu o lo o aumau i laumua eseese o Europa, Amerika (Matu ma Saute) ma Hawaii;
- Le faamaonia o le faamalumaluga a le Malo o Samoa mo le faatupeina o le malaga togipau a le Air New Zealand mo le aumaia o pasese mai Los Angeles. Le faatino o tulaga masani o le totogiina lava e i latou o le a maua avanoa e malaga mai ai i lenei chartered flight o latou lava pasese, mo le toe faaolaina o tupe a le Malo.
- O pasese o le a totoe o le a faaaogaina malaga e ui mai i Niu Sila ma malaga mai ai i Samoa nei;
- Le faaaogaina o le Air New Zealand 787 mo le malaga togipau mai Los Angeles.
Malaga togipau mai Los Angeles ma ona aiaiga ua faatulaga atu i lalo;
Ona o le faigata ona maua itula e tatau ona afea ai Niu Sila e soo se malaga a ui mai i Amerika, o le mea lea ua fuafua ai le malaga togipau mai Los Angeles mo Samoa e aumai uma ai tagatanuu o lo o i laumua eseese o Europa faapea Amerika (Matu ma Saute) ma Hawaii.
O le aofai o le pasese ua lesitala e 378, ma e le gafatia i se Malaga se tasi ona aumaia uma tagata. O nisi e totoe o le a faaaoga malaga e ui mai i Niu Sila e faauma mai ai a o le i oo i le faaiuga o le tausaga.
O le Malaga o le a faatino foi e le Air New Zealand 787 ma o le aofaiga o le pasese e 302. O le tau o le Malaga e NZ$462,323. O le pasese o le tagata toatasi e US$1,189. O lo o fautuaina foi le faatau o vaega faapitoa e pei o le business class faapea le premium economy.
O lenei faaiuga na faia i lona tulaga faanatinaati e tusa ai ma le Vaega 38(1)© o le Faavae o le Malo Tutoatasi o Samoa.
(2)
