FAASILASILAGA TĀUA MO LE FAATINOINA O LE POLOKALAME O TUI PUIPUI O LE KOVITI-19
O le a lelepa ia fa’a-va’atiu o ā’au mamao ou sā ma faigā Samoa, e le gafataulimaina e sa matou faamatalaga.
I le ava ma le faaaloalo, e toe fofogaina ai le mamalu o le atunuu, o le a faatinoina i le Aso Tofi 23 o Setema ma le Aso Faraile 24 o Setema 2021, le tuiga tele o le KOVITI-19, mo si o tatou atunuu mai le 8 i le taeao seia o’o i le 6 i le afiafi.
O le a tapunia galuega uma i le atunuu, faapea ma femalagaiga lautele i luga o ala tetele ina ia mafai ona talimau le mamalu o le atunuu i o latou maota ma laoa, a o faagasolo atu le tuiga i afioaga taitasi.
Faamolemole ia tuu se faailoilo lanu mūmū i lumā maota o aiga, pe afai o i ai se tagata o le aiga e le’i faia lona tui muamua, po ua tatau foi ona faia lona tui lona lua.
O le a faafaigofie ai le galuega a le aufaigaluega o le a aga’i e faatino lenei faamoemoe. Afai ua leiloa le pepa tui na muai tuuina atu, ae ua tatau ona fai le tui lona lua, e fautuaina le o’o ane pea e faailoa i le aufaigaluega ina ia mafai ona faatino le tui.
E na o auaunaga togia mo le soifua o le atunuu i aso uma o le a faaauau pea ona tatala. E aofia ai auaunaga tau falema’i, leoleo ma tineimu, auaunaga i tuaoi faavaomalo i malae vaalele ma uafu faavaomalo, suavai ma le eletise.
O le a toe tatala uma auaunaga mo le atunuu e afua mai i le 6.00pm i le afiafi. Ia tumau pea le puipuiga ma le alofa tunoa o le Atua ia Samoa.
Ma le faaaloalo
Agafili Tomaimano Shem Leo
Taitaifono Komiti Faufautua o Faalavelave Matuiā ma Faafuasei
- Asiasi le Toa Samoa e Momoli le Faafetai i Matua Tausi o Mapuifagalele - December 30, 2022
- Samoa Police Recognised for Exceptional Service, with 38 Promoted to Sergeant Rank - December 26, 2022
- Deputy Prime Minister Expresses Samoa’s Deep Appreciation to Japan for JICA Volunteers - December 13, 2022
