0
0
POLOAIGA MO LE TAPUNIA O SAMOA AOAO ONA OLE KOVITI19,
Aso 27 Ianuari 2022.
Fautuaga o Laasaga mo le Tali atu i le Koviti19 pe a mavae le 72 itula o le Tapunia o le Atunuu atoa o loo iai nei
I lana Fonotaga FK(22)Faapitoa 05 o le Aso Lulu 26 Ianuari 2022, na talanoaina ai e le Kapeneta le Pepa PK(22)42 ma faamaonia ai e faapea:
- Le fa’aauau ona iai pea o Samoa i le laasaga lona tolu (3) mo lapataiga o le faama’i o le Koviti19 e ala lea i le tapunia atoa o le atunuu (nationwide lockdown) mo le isi 24 itula mai le Aso Tofi, 27 Ianuari 2022 mai le itula e 6:00 i le afiafi seia aulia le Aso Faraile, 28 Ianuari 2022 i le itula e 6:00 i le afiafi. Ua faia lenei faaiuga i le silasila a le kapeneta i le fa’amae’aina o faagasologa o su’esu’ega o loo faagasolo mo i latou uma o loo faanofoesea, atoa ma le talitalia o faaiuga o suega na auina i Niu Sila mo le ituaiga o le siama ua aafia ai i latou ua aafia nei.
Le amata faamamaluina o le faaauauina o le tapunia atoa o le atunuu (nationwide lockdown) mai le Aso Tofi 27 Ianuari 2022 i le itula e 6:00 i le afiafi seia aulia le Aso Faraile, 28 Ianuari 2022 i le itula e 6:00 i le afiafi.
E faatumauina pea isi aiaiga o Poloaiga o Faalavelave Tutupu Faafuase’i na mua’i tuuina atu.
(0)
