Pa’ū Maualalo le Fainumera o Soligatulafono i le Vaitau o Aso Fiafia

0
758
Malu o le Malo sa tiute i le pō o le Vaeluaga, ao alo atu le atunuu e tālia le Tausaga Fou.

E 38% le pa’ū o le fainumera o soligatulafono sa faamauina mo Samoa i le vaitau o aso fiafia, pe a faatusa atu i le tausaga ua mavae.

I se muai feiloaiga a le vasega o tusitala ma le Matagaluega o Leoleo mo lenei tausaga, na faamanino mai ai e le Sui Komesina o Leoleo Papalii Monalisa Tiai-Keti, le aotelega o faafitauli sa tula’i mai.

Saunoa Papalii, “E ui i le tele o faafitauli na aafia ai le mamalu o le atunuu, ae o lo’o faamauina e 38% ua faaititia mai ai faamaumauga nai lo le tausaga talu ai 2021.”

E 69 le aofai o i latou na taofia e leoleo i le vaitau o aso fiafia i Upolu nei, ae 12 le aofai o i latou na taofia e leoleo i le motu tele i Salafai.

“O lenei fuainumera e toatele mamao ai alii nai lo tamaitai.”

I se maitau i le ituaiga faafitauli ma soligatulafono na oo atu iai le auaunaga a le Matagaluega, o le o’nanā ma le fe’eseesea’iga i totonu o aiga, fa’aoolima, ma le ave taavale faatamala, sa sili ona aafia ai lo tatou atunuu.

Saunoa Papalii, e iai lava le talitonuga a le Matagaluega, o le siitia o le auaunaga a leoleo i ona itu uma auā lava le saogalemu o le atunuu, ua tulai mai ai lea pa’ū maualalo o soligatulafono.

Maliu e 5

Na tā’ua foi e le Sui Komesina, i le tulaga lava ia o maliu i le faaiuga o le 2022, e lima maliu o loo faamauina e le Matagaluega ae o le tausaga na mavae atu nei e tolu.

“O maliu na mafua mai faalavelave e aofia ai ma se tamaitai leoleo.”

Ceces House of Fashion located at the Toleafoa Complex in Savalalo, Apia.

Sa molia e leoleo se alii sā fai ma leoleo, i le fasioti tagata faamoemoeina ma tuuaia lona faaogaina o se laau malosi e faoo ai le maliu ia Mele Segisolo Lapana, o se tamaitai leoleo. O lena faafitauli o loo tuuaia le faaogaina e lē ua molia o se laau malosi e faaoo ai le maliu ia Mele.

Ae lei oo atu i le Kerisimasi, sa molia ai se tamā 39 tausaga o Palisi ina ua maliu ai sona atalii 12 tausaga.

I le Aso Sā o le tasaga fou sā maua ai e le tupulaga o le afioaga o se taavale afi o loo masalomia sa afe ese mai le auala ma pā’u ai i le mako. 

O isi maliu e lua, na tula’i mai i ni fe’eseesea’iga i luga o le ava malosi. E le itu faanoanoa, ona o le talavou o ē o loo molia ai.

Malu o le Malo sa tiute i le pō o le Vaeluaga, ao alo atu le atunuu e tālia le Tausaga Fou. Ata: SPPCS

E na o le 20 tausaga o se tamaititi o loo taofia nei e leoelo ma molia i le fasioti tagata faamoemoeina ina ua maliu ai se tamā 28 tausaga i le taeao o le Kerisimasi, ae 21 tausaga o le isi talavou o loo molia i le maliu ai o se tamā 47 tausaga o Laulii.