Pau le tali o le taugatā o le tau o le soifuaga, o le fai o se tatou vaa oloa

0
1502

E pau lava le tali o le taugata o le tau o le soifuaga, o le fai loa o se tatou vaa oloa (cargo freight).

Beautiful Lalomanu Beach. Photo: SGN. Faamolemole, tatou galulue faatasi e faatumau le mamā o si o tatou atunuu pepe. Aua le lafoa lapisi i autafa o auala ma matāfaga.

O le saunoaga lea a le Minisita o Galuega Tetele, le afioga ia Olo Afoa Fiti Vaai, i lana lauga tali sa ruuina mai i le Palemene, ina ua lāgā e le toatele o sui mamalu le tulaga ua iai nei le taugatā o le tau o le soifuaga.

Saunoa Olo, “O le mafuaaga o le siitia maualuga o le tau o le soifuaga, o femalagaiga o vaa oloa i luga o le sami (freight) e aafia ai le tau o le container.

I se faataitaiga na tuuina mai, sa $3,900 le tau o le container 20ft. Ae o le taimi nei, ua faaluaina le tau i le $7,850.

Saunoa Olo, o le container 40ft sa $9,000 tala Samoa ae o le taimi nei, ua $13,280.

“O le mafuaaga tonu lenā ua taugatā ai le tau o le soifuaga, ma ua sailiili auala le Matagaluega ma lana pulega, i se fofo.

“Ua autasi se finagalo o le Pulega, e talosagaina le Kapeneta ina ia fai loa se vaa oloa a Samoa lava ia.”

Saunoa Olo, ua uma ona faatino e le Pulega a le Matagaluega ni suesuega ma se survey, ma ua tasi ai e telē se itu lelei o le iai o se vaa oloa a Samoa.

“A ioe le kapeneta e fai se vaa oloa, e fa’aauvaa lava e alo ma tama fanau a si o tatou atunuu, e oo foi i le Kapeteni, o loo iai tatou tama fanau o loo galulue i atunuu i fafo ua uma ona fesootai mai, ma matou talanoa i lea tulaga pe afai e mautu..”

Call +685.63500 or +685.63501 to purchase your tickets today!

O le mau a le Minisita, o le isi itu lelei o le maua ai lea o tupe le Malo, aua o le pisinisi.

“Tatou molimauina, e tolu tausaga o tapunia le atunuu atoa ona o tapu o le koviti, peitai, pau a lea o le galuega e le’i malolo. Na matala pea le uafu ona o taumafa ma isi vaega.”

O itu ia na mautu ai se finagalo o le Minisita ma le Pulega, e ao ona fai se vaa oloa a lo tatou atunuu, e tuuitiitia ai le tau o le soifuaga, “aemaise o le maua ai pea o avanoa faigaluega mo tama fanau a si o tatou atunuu.”

Call +685.22722 or +685.7574326 to enrol today! Ask for Tapusoa or Christabelle. 

Saunoa foi Olo, e 435 le aofai o alo ma fanau ua maua avanoa e faigaluega ai i luga o vaa mo kamupani mai fafo, ae atonu se isi lea o avanoa o le a faaititia ai le tulaga manaomia e tupulaga talavou o ni galuega e tausi ai aiga.

I le taimi nei o loo maualuga le tau o le soifuaga, ae o se tulaga o loo manaomia tele e nai o tatou faigaluega le faaititia lalo o le tau o le soifuaga Ina ia gafatia ma le faasoa o iai le taimi nei.