Ou te faa’aloalogia le faaiuga le faamasinoga ae e le fesopoa’i faaiuga fai a itu tino faafetauagai le palemene ma le faamasinoga.
“E fa’aaloalogia le Faaiuga a le Faamasinoga, ae e le fesopoai faaiuga fai itu tino fefaatauagai a le Palemene ma le Faamasinoga,” o le finagalo lea a le Fofoga Fetalai o le Maota, le Susuga ia Papalii Lio Oloipola Taeu Masepau.
Saunoa Papalii i luga o le telefoni, “E tumau lava le amanaia ma faaaloalogia o le faaiuga a le Faamasinoga. O le mafuaaga foi lea ua tofia ma filifia Sui Faipule i nisi foi tofiga i Komiti. O le faailoga lea o le amanaiaina o le faaiuga o le tasi itu o le fefaatauagai.”
“Ae mo le taimi nei o loo talia le Faamasinoga Apili lea tagofia le Faamasinoga, e toe iloilo ai le faaiuga i le masina nei o Novema. E talitonu Papalii, o le a faatumauina ma le suia o le faaiuga o le mea patino lava lea i le Faamasinoga o Apili.”
O Sui Faipule o Lepa, le Afioga Tuilaepa Sailele Malielegao, faapea ma le Tofa ia Lealailepule Rimoni Aiafi mai le itumalo o Faleata 3, na mafuli le finagalo a le Palemene e tuuina atu le faasalaga e lua (2) tausaga e tuua ai le laua tofi faipule.
Peitai na laua ave le faaiuga a le Palemene i le tulafono ma tuuina mai ai le faaiuga o le Faamsino Sili Satiu Simativa Perese, e toe taliu faipule na faasalaina i totonu o le Palemene, e faaleo finagalo o laua itumalo i le Fono Usu a Samoa.
I le tauaofiaina o le Maota Fono o Samoa, e lei mafai ona auai Tuilaepa Sailele i le fonotaga a le Palemene ona o loo auai atu i fonotaga le faatina o le Lakapi i le lalolagi, seia vagana ai Lealailepule Rimoni sa auai i le fonotaga a le Palemene o Samoa.
Na faamaonina foi e Papali, e faatoa toe usuia le Fono Faitulafono i le Masina o Tesema, le faaiuga o le tausaga.
- “O se meaalofa mo si o’u tamā ua fai’ilagi lana folauga, ma si o’u tinā sa tapua’i ma loimata” - December 1, 2023
- USD$500 ua Faasalaina ai Samoa Airways e le Malo o Amerika Samoa i le Mataupu a le Faipule Salega 1 - November 30, 2023
- Faamaonia Moliaga a se Alii sa Faigaluega i Le Ofisa o Tiute i Lona Aumaia o Fualaau Faasaina i Totonu o le Atunuu - November 30, 2023
