Osofaia e Leoleo se Aiga i Fatausi Safotulafai ma Maua ai Fualaau Faasaina

"Na taofia mai e leoleo se tamā e 53 tausaga o Fatausi Safotulafai mai lenei galuega sa fa'atinoina"

0
756

O le taeao o le Aso Sa 9 Iuni 2024 sa fa’atino ai se osofaiga a le Ofisa o Leoleo i Tuasivi i se aiga i Fatausi Safotulafai.

E pei ona a faasalalauina faalauaitele e le Matagaluega o Leoleo, sa maua mai ai ni taga pepa iila o loo iai i totonu ni pauta papae e masalomia o le fualaau fa’asaina o le aisa.

Sa maua fa’atasi ai ma se tinoitupe, ae le o tuuina mai i le faamatalaga le aofai o le tupe sa maua i lea nofoaga.

E matauina ua le toe tuuina mai lava i luga e pei ona masani ai i faasalalauga, le aofai o tupe maua mai osofaiga a leoleo.

Na taofia mai e leoleo se tamā e 53 tausaga o Fatausi Safotulafai mai lenei galuega sa fa’atinoina.

Sa momoli le agaga fa’afetai a le Matagaluega i le mamalu o le atunuu o loo fa’aauauina pea le lagolago i galuega a le Matagaluega mo le tafiesea o fualaau fa’asaina mai le aafia ai o si o tatou atunuu aemaise lava le tupulaga lalovaoa o Samoa.