Olo Fiti Vaai: “Ua faamaonia le tulaga saogalemu o le malae vaalele i Fagalii”

0
38

O le toe tatala ai o le malae vaalele i Fagalii, na saunoa ai le Minisita o Galuega Tetele, le tofa Olo Afoa Fiti Vaai, “ua ausia ma faamalieina tulafono uma o malae vaalele savili, ma ua faamaonia lona saogalemu.”

E $2.6 miliona talā le tau o le toe faaleleia o le malae vaalele, o fale mo le sauni ai o pasese e tuua faapea foi le taunuu mai.

O le isi tulaga tāua, o le toe faaleleia lea o le malae e sesee ai vaalele (runway) lea ua toe faaopopo le isi 100 mita.

“Ua 800 mita ai le umi e faatusa atu i le 700 mita sa iai”.

O le kamupani a le Ututaaloga Ulia Construction sa nafa ma le toe faaleleia o le malae e sesee ai vaalele.

l lana saunoaga autu sa folasia ai e le Minisita o Galuega Tetele le tala faasolopito o le malae vaalele i Fagalii.

“O le tausaga 1969 sa fausia ai le malae vaalele, ae o le faigamalaga muamua sa ausia lea ia Aperila 1970..”

E 35 tausaga o faataunuu femalagaiga a le atunuu i le malae vaalele i Fagalii, ae tapunia loa ia Ianuari 2005.

Please Keep Samoa Clean

Ina ua mavae le fā tausaga ae toe tatala loa le malae vaalele i Fagalii i le 2009, ina ua tulai mai le afioga Tuisugaleta’ua Sofara Aveau.

“Sa ia vaavaai mamao i le avanoa e faatamaoaigaina ai le afioaga faapea le atunuu.”

“Peitai na toe tapunia foi lea ia Tesema 2019, ma ua atoa le fa tausaga talu ona tapunia ao lea ua toe tatala.”

Saunoa Olo, ua tuuina atu le faamuamua i le afioaga o Fagalii mo tagata faigaluega, o le stand taxi, o faleaiga ma faleoloa ma soo se pisinisi faapea le teuina o le malae vaalele.

Talia e matai le toe tatalaina.

“O le upu moni, e amuia le afioaga o Fagalii.”

O le afioga i le tamaitai Palemia, Hon Fiame Naomi Mata’afa, na ootiina le lipine ma tatala ai mo maimoaga.

Na momoli le faafetai a le Minisita ia Olo i le Malo o Niu Sila lea na fai meaalofa mai i se masini scanner mo le malae vaalele.

28 Me 2023 Toe tatala le malae vaalele.

Na molimauina le auai ai o le Sui o le Fono a Sui Tofia, Afioga Lemamea Ropati Mualia, o Minisita o le Kapeneta, le  afioga ia Fonotoe Nuafesili Pierre Lauofo faapea faipule o le Palemene, ma faauluuluga o Matagaluega a le Malo faapea faauluuluga o Faalapotopotoga Tumaoti.

O le ma’ea o le sauniga na molimauina ai le sesee ai o vaalele a le Talofa Airways, ðma le Samoa Airways. Na faasopolia uma foi le au valaaulia i faa’aloaloga na maau iai le paia o le afioaga.

 

www.astca.net