O se Aso o Tina faanoanoa tele mo se tinā matua 88 tausaga mai Leauvaa

"Ua maimau ua leai se mea. Ua faaleagaina uma, e oo lava i a'u falalilii ma papa laufala ma ie toga sa ou saofai ai i le lalagaina, ua leai se mea e tasi e faasaoina.."

0
2403

“O se aso o tina faanoanoa tele mo a’u, ua na o le mafatia ma le fia maua o se mapusaga, fia maua foi se isi e fesoasoani mai.”

Safafagu Taliu, 88, from Leauvaa.

O lagona mafatia lea o le tina ia Safafagu Taliu, ua 88 tausaga o lona soifua mai le afioaga o Leauvaa ina ua tula’i mai se faalavelave poo le malaia na aafia ai lona maota i le Aso Gafua o le aso malolo faapitoa mo tina.

Visit SOS at Togafuafua and Salelologa.

O le te’a o le 10 i le taeao sa tula’i mai ai le faalavelave. Ae o le talitonuga a le tinā, o le tulinamu a lana tama le mafuaaga o le mu.

E tupu le mu o loo moe le tina i totonu o lona potu. Na faateia i le fafagu o ia ma faanatinati ona aumai o ia i fafo.

“I lena taimi ou te vaai atu, ua amata ona sasao a’e le afi i le pito i luma o le fale..”

Faasoa le tina e toalua lana fanau laiti (grandchildren) sa iai i totonu o le fale faatasi ma lana tama matua.

O le tulaga fale a le tina ia Safafagu.

“E viia ma faafetaia le tama o i le lagi ona sa faasaoina uma matou, ae o le fale atoa ma meafale faapea meaalofa o le Aso o Tina, ua liu lefulefu uma.”

“Ua  lagona le loto vaivai ona o a’u ipu, seti ulo, o le sefe sa tuu iai ipu ma tipoti faapea vaega uma e tatau lava ona iai i soo se aiga o iai se tina..”

“Ua maimau ua leai se mea. Ua faaleagaina uma, e oo lava i a’u falalilii ma papa laufala ma ie toga sa ou saofai ai i le lalagaina, ua leai se mea e tasi e faasaoina..”

“Oka, o lo’u malosi ua lafoa’i.”

Sa faaleo ia lagona mafatia e le tina ia Safafagu ma le maligi o loimata a le tina matua.

Tā’ua e se tasi o le fanau, e silia ma le $70,000 le tau atoa o le fale ma mea totino na faaleagaina ona o le afi.

“Ae faafetai e leai se ola sa maimau ai i faalavelave.”

O Safafagu, o se tina e iloa i totonu o le afioaga, i lona tiute saili ma le finau mo le manuia o le fanau faapea le aiga, e pei ona molimauina e nisi o ona aiga tuaoi.

O loo iai lona manaoga e toe fia fausia lava lona fale i le tulaga tonu lea na iai lona fale lea ua faatamaia e le malaia.

Faasalalauga Faalauaitele