O Musumusuga a le Agaaga Paia ia Tuilaepa na Tofiaina ai le Faamasino Sili

0
3995
#Opinion Letter to the Editor 31 July 2021 from Taulapapa Victor Washburn. 
“The Constitution reposed in the Supreme Court the Original, appellate and revisional jurisdiction and stood it possessed and able to excercise all the jurisdiction, power, and authority which may be necessary to administer the laws of Samoa. These important powers have been given to the Judiciary, the independent arm of government which has the duty to protect the Constitution and uphold the rule of Law.”
O malelega mamalu ma upu tuu saó na a le Faamasinoga Talosaga o Apili (Court of Appeal), e uiga i le latou matafaioi, ma tiute tauave ua faatagaina mai e le Faavae poo le Constitution a le Atunuu.

E maua lea i le parakalafa 64 o le iúga poo le judgment e uiga i le faamasinoga lea sa apili ai e le Loia Sili poloaiga a le Faamasinoga Maualuga, lea sa lauina i le vaiaso na mavae Friday 23 May 2021.

Ina ua Tutoatasi Samoa i le Tausaga 1962, na aloaia ai foi ma le FAAVAE o le Malo Tutoatasi o Samoa.

Le Faavae na tauasa mai e o tatou tuaa o loo lago mau mai Tia Sa.
Le Faavae poo le Constitution sa foafoa ma faufau mai e Tupu, Tamalii ma Tama a Aiga o le Atunuu.
Le Faavae sa latou faafoea  mo le lumanai o Samoa ina ia tapué ai le tafatolu o le faiga malo faa-temokarasi, poo le three pillars of Government i lalo o faigamalo faa-temokarasi (Western Democracy) ma ia maua ai le saolotoga ma le tutoatasi o Samoa.
O le a lea Tafatolu?
Legislature (Palemene poo le Fono Fai Tulafono) To Legislate and Pass Laws.
Executive Branch (Pule Faatonu poo le Kapeneta) To Execute or Enforce Laws.
Judiciary (Liliuina ma Faauigaina o Tulafono) To Interpret & Apply Laws.

 

E ui a la ina tolu independent lala poo branches o pulega, ae e iai lava taimi e overlap ai but o le mea taua, ia savavali uma nei pulega i le FAAVAE ae maise, ia tausisi pea le PULEGA O TULAFONO poo le RULE OF LAW.

Ina ua faataape e le Ao o le Malo  le Palemene o le Paeaiga XVI,  Sa faatulaí ese ma faamuta ai foi ma Powers, a le Faiga Malo, poo le Executive Branch.

A tuu i se isi itu, ua na o le  branch a le FAAMASINOGA poo le Judiciary sa atoatoa ona powers ma matafaioi, ae maise le pulega malosi ua mafai ona sulufai iai le atunuu, ma ona tagata aó faatali se Faiga Malo fou.
Lea ua leai le Palemene (sei vagana le fofoga fetalai faaauau tusa ai ma ona tiute le tumau), ma ua leai foi se Faiga Malo Tumau ina ua faataape (dissolve) e le Ao o le Malo, e tusa ai ma aiaaiga o le Faavae, ao sauni atu le atunuu mo le faigapalota, e faatino ai le aia tatau e toe filifilia ai lana Palemene ma se Faiga Malo fou.
Ua maea le palota, pei ona alo atu i ai i le Aso 9 o Aperila 2021.
Mulimuli ane, ua maea foi aso e 45 talu mai le faigapalota, ae e leí ago mai lava le Vaega Faaupufai a le HRPP, e tausi le Faavae o loo faapea mai, ia tauaofia le Palemene, e tusa ai ma le Vaega 52 o le Faavae – o loo faamalosia mai ai le tauaofia o le Palemene ae leí mae’a aso e 45 o se faigapalota.
I le 45 ai o aso talu le faigapalota, lea sa valaau ai le tauaofia o le Palemene. Ua tufa tusi valaaulia ma tapena tulaga uma mo le Aso Gafua 24 Me 2021, ae toe suia lava le finagalo o le Ao o le Malo.  Sa toe sue se tali i le Faamasinoga i le Aso Sapati 23 Me, ma tali mai ai, e faatulafonoina le malelega muamua, ona e tatau lava ona tauaofia le Paleme o Samoa i totonu o le 45 aso.
Aua foi a leai, o lona uiga, e mafai ona faaauau pea se Faiga Malo le tumau.
Peitai e lei aliali mai le Ao o le Malo, e faatauto sui mamalu o le atunuu na filifilia, i lana faiga palota aso o le Aso 9 Aperila 2021. Ao le mea pito sili ona ofogia, ma peiseai ua avea ma tulaga maasiasi, o le tuuina mai o lana poloaiga sainia i le Aso 20 Me 2021, ina ia tauaofia le Palemene i le Aso 24 Me 2021,  ae mulimuli ane, toe taumafai e faaui mai i tua pe toe rescind, e aunoa ma se mafuaaga na tuuina mai.
Peitai, tusa ai ma tulafono ma le FAAVAE, na faamalosia e le Faamasinoga, ia faamamalu pea le poloaiga muamua, ma ia faatinoina le tauaofia o le Palemene, e pei ona sainia i lea poloaiga.
E leai sana pule e toe faaui ai i tua lea poloaiga. Ma sa tā’ua foi e le Faamasinoga, e lei tuuina mai foi ni mafuaaga ua toe faaui ai i tua.
In short, technically there was No Parliament.  And there definately was No Excecutive or Government, sei vagana ai le Faiga Malo LE TUMAU poo le Caretaker Government e tatau ona faataape i totonu o le 45 aso, ae tuu le avanoa i sui mamalu na tusilima iai le atunuu ma tofiaina i le faigapalota, e omai i totonu.
Sa ou taúa i le amataga le FAAVAE poo le Constitution a le atunuu.  Ma o le tagavai foi a le Atunuu, e FAAVAE I LE ATUA SAMOA.
O le Fesili.
O ai e vaaia le FAAVAE a le atunuu? O ai e leoleoina ma tausi le FAAVAE a le atunuu?
Who is the Custodian of the Constitution of the Independent State of Samoa?

Afai o le FAAVAE poo le Constitution a Samoa, o le SUPREME LAW lea a le atunuu e usitaia uma e tagata o le atunuu, amata mai mauga tetele seia paía mauga iti… o lona uiga e tasi lava le itu, pulega, lala poo le Branch o le Tafatolu lea o loo gafa ma le leoleoina ma le faamamaluina o le FAAVAE o le Atunuu.

O le FAAMASINOGA.

Lea e faauluulu e le Court of Appeal a Samoa, ma le Afioga i le Faamasino Sili, o ia foi o le Peretisene o le Faamasinoga Toe Iloilo a Samoa – the Highest Court of the Land.

I le amataga o le vaiaso nei Monday 26 July, na lauga faamavae ai Hon. Tuilaepa Sailele Malielegaoi, ma tuuina mai ai ana faamanuiaga i le Palemia Fou o le Atunuu, Hon. Fiame Naomi Mataafa faatasi ma lana Kapeneta aua le tofiga fou. O le aso Gafua lena.

Sa lagona foi e nisi le faanoanoa ae maise i le toe to manatu i le tele o tausaga sa tulai mai ai i le foe le Susuga ia Tuilaepa, ae maise foi tele o galuega lelei ua fotuai mai mo Samoa i lalo o lana taitaiga.

O le aso na sosoo ai, Aso Lua, taunuu atu le asiga a nisi o matai o Faasaleleaga I & II i Petesa, aua se latou faaaloalo ma faaali le tumau pea o lo latou lagolago i le vaega faaupufai a le HRPP, lea ua latou talia o le a avea ma itu agai.

Peitai, ua tete’i Alii ma Faipule, ae maise le au maimoa ina ua tali mai Tuilaepa ae sui loa ma foliga, siufofoga, ma le ituaiga fati (tune) ua pese mai ai le taitai o le latou vaega.

Gone was his sad face, gone was the humility and agaga o le malolo faatamalii shown the day before, and gone too was his pleasant voice in which he conceded defeat, and wished Hon. Fiame all the luck and blessings from above.

Suddenly on Tuesday, instead of blessings from above, it was to put it bluntly, a curse from hell.

Instead of the voice of humility ua sui atoa le leo ua peiseai o se fitafita, ua faatulaga mai lana ‘au tau e sii le taua tele.

Compared to his compassion (albeit subtlety) shown the day before, suddenly on Tuesday whilst facing supportive matais from Savaii, not only was he so harsh in his deliverance, but now we could see and hear him speaking against not only Fiame and her FAST Cabinet but more disturbing of all…

…defied as well as blasphemed their Honorable Judges of the Court.

E umi sauniga a Tuilaepa na fai, pe atoa le afa itula o avaávau, ma faaali nei manatu LE Faavaea ma manatu ma upu na lafo, na matua faaleagaina ai le mamalu ma le tutoatasi o le Faamasinoga.

O nisi nei  o a na lafoga…..faatasi ma ni aú manatu e tali atu i ai, ina ia nofo malamalama ai le au faitau, i le mea moni, ae lē o ni lafoga e leai se faavae leai foi ni mau e  lagolago ai nei tuuaíga matuia.

1.  “O le Faamasinoga, ma Faamasino. Ua Soli faavae. Ma Solitulafono. Ua Tatau ona Faamavae. …””

E maofa le mafaufau pe faafefea ona ia faia nei tuuaíga, ma blame le mamalu o le Faamasinoga. Talitonu le atunuu e leí a’oga Tuilaepa i se Iunivesite e maua ai sana faailoga loia, ma e lei nofoia foi i le nofoa o se Faamasinoga ma avea ai ma Faamasino. E le iloa la poo a ni mau o loo ia mausali ai lona talitonuga, o Faamasino ua Soli Faavae, ma Solitulafono.
Atonu o loo fautua iai nisi o loia a le vaega faaupufai ae o le fesili, po o iai ni faailoga Masters mai se sikolasipi i Amerika, pei o le Faamasino Sili, atonu ua tau feololo.
Aó le mea pito sili ona ofogia, almost to the point of laughable, pe a toe to manatu i lana malelega poo saunoaga i totonu o le Maota Fono poo le Palemene, i tausaga ua mavae.
Ina ua fesili atu i ai Hon. Olo Fiti, “poo afea ea e tofia ai se Chief Justice, o lea o le a atoa le tausaga e leai se Faamasino Sili o le Atunuu”.
Ae tali le susuga ia Tuilaepa,…”O mea faapea, e le tatau ona faavavevave. O lea e faatali i se musumusuga mai o le Agaga Paia, E taunuu mai loa, ona logo atu lea…” or words to that effect.
O le mea la lea ua galo ia Tuilaepa, ae maise o ni lafoga i totonu o le Palemene. E mamalu. E mamana. Ma e lē soona lafoa ni upu Le Faavaea pe taufaifai i totonu o le Palemene.
Afai la o le tofiga o le Faamasino Sili, na auala mai ona “o musumusuga a le Agaga Paia”, ua uma ona faatauto i luga o le Tusi Paia, e le Ao o le Malo, lona uiga, o se Tofiga Mamalu , ma o se Tofiga Paia.
A lea la ua taufaifai ma fetuu i Faamasino ae maise le Faamasino Sili, sa tofia ma musumusuina e le Agaga Paia, mo le Saogalemu o le Atunuu.

Ma e lē sala Upu mai Anamua.

Afai ua e fetuu ma toe tetee atu i se tofiga Paia, na musumusuina e le Agaga Paia o Le Atua, faatasi ma se tofiga na faatauto i luga o le Tusi Paia, ona o se tofi mai Le Atua, lona uiga…. Ua e taufaifai foi, ma e tetee atu i le finagalo paia a Le Atua, o le agasala lava lena. Ua oo lava i le Aufaigaluega Paia a Le Atua na lavevea foi i ana lafoga, ma upu le migao.

2.  “O le palota a le tagata, o le musumusuga lilo a le Agaga o Le Atua.  O le iúga na aumai,  e luasefululima (25) le tatou vaega.  E luasefulufa (24) le FAST.  E toalua, e tutoatasi.
Ia. Tatou o loo tausisi e talai le Tala Lelei mai le Pulelaa..O le a lena i le Amiotonu? Le finagalo o Le Atua pei ona aumai i finagalo o le Atunuu, i le iúga muamua. O le HRPP na tofia e LE ATUA. Matou te le fefe e tautala i le amiotonu……etc””

“O le Tagata foi e iloa le mea Tonu, ae lē faia…o le agasala lena i luma o Le Atua…” etc..

O se tali atu lea i nei upu.

Muamua,

… atonu o loo atagia i lea lafoga, o loo tetee atu pea ma faitio i le fautuaga a le Faifeau Patele a lana Ekalesia, lea sa faapea mai ai, ia malolo faatamalii ma tuu atu le Faiga Malo fou i le FAST ..
Atonu o loo teu mau pea i le loto o Tuilaepa, ma ua atili ai ona faatiga ai ma agasala ai lona loto, lea la ua mapuga mai i lea aso aó faafofoga le atunuu.  Ae maise lava, o le upu lea, “O se o loo iloa le mea tonu, ae lē faia, o le agasala lena i luma o Le Atua’… Mautinoa lava, o si faifeau lava lea e tasi na faatatau i ai. Kalofa e.  Saó ai Upu a Toeaiina ma Oloomatutua.
“”Kausi kausi ua maua le Ola, oga koe feau loa ma pei e koe look down OMG..””

 

Atonu o uiga lava nei o tagata ua tiapoloa le loto, ma ua le toe manino le vaai faaleagaga. Faatasi ma se tagata, ua agasala le loto, ona ua tulai mai se Tina poo se Tamaitai e Palemia. Ae maise se Tamaitai sa la galulue faatasi, ma se tagata sa ia lafoa i ai upu matuia ma le le migao.

Lona Lua.

O loo tausisi lava e Tuilaepa i le tulaga lea faapea o latou e sili numera o tagata na palota i latou sui. Lona uiga o latou foi e tatau ona faia le Malo, pe a fua i numera o itumalo e 25 o le latou vaega.

Peitai, e galo ia Tuilaepa, o le aso lava e Tauaofia ai le palemene (in the normal circumstances poo tulaga masani) o le aso foi lena, e afifio atu ai Fiame ma Tuala e faamautinoa lo la lagolago i le FAST.  Lona uiga, e 26 le FAST, ae 25 le HRPP….
E leai la se Malo e mafai ona faatu e le HRPP,  pe afai e tauaofia le Palemene, ma tulai mai nofoaga ia pei ona taúa.
Pei e foliga mai i le mafaufau a Tuilaepa, o le aso e tauaofia ai le Palemene, e nofonofo mai pea Fiame ma Tuala i o la nofoa, e leai se isi e o ane i se vaega faaupufai e fau faatasi le latou auvaa. Oi kafefe.
O le tulaga taua lava lea na ala ai ona LE manaó Tuilaepa, ma lana uo mamae o le Ao o le Malo Vaaletoa Sualauvi le lua e tauaofia le Palemene. Auā foi, once e usuia ai le fono muamua, ona mautinoa ai loa lea o le FAST o loo umia le fuainumera silia o le vaega poo le coalition e tauáve le faiga Malo.

 

Delayed Tactics was all that was on Tuilaepa and Head of States Mind.

Unfortunately with the benefit of hindsight, those Delayed Tactics, have backfired and have made a bad situation Worse, and a terrible situation embarrasing.

O le isi mea o loo  faauiga sese e Tuilaepa, ma e lē o atoatoa lona malamalama i tulaga uma poo sections o le iuga a le Faamasinoga o Apili, e faatatau lea i le iuga sa fai e le Faamasinoga Maualuga (Supreme Court)  i le aso 28 June 2021.

O le atugaluga a Tuilaepa e faapea mai… Na malele le Faamasinoga Maualuga poo le Supreme Court i le latou iúga o le 28 June 2021, e Soli Faavae ma Soli Tulafono le Faatautoga lea na fai i lalo le Fale ie i le aso 24 May 2021…  Lea lava la e tausisi ai pea Tuilaepa, ma e LE toe suia ai lona mafaufau, tusa lava poo le a se isi iuga a le Faamasinoga Apili e fai, i le lalolagi lava a Tuilaepa (His own Universe) O le iúga saó ma le iúga tumau ma le FINAL lena na tauaaoina e le Supreme Court.
Ou te talitonu o loo silafia lelei e Tuilaepa, ma malamalama foi,  e i ai le aia tatau ma le Pule o le Faamasinoga Apili (Court of Appeal), e na te  faataatia ese ai (Put Aside) ma Faa-LEaogaina ai se iúga a se Faamasinoga i lalo o lana vaaiga.  In this case Appeal Court can overule the Supreme Court decisions, based on New evidence or interpretation of Law.
Peitai, o le mea lea e lē o mention mai e Tuilaepa e i ai le condition poo se vaega o le iuga o le Supreme Court i le aso 28 June 2021. O le condition lea e faapea, e ui lava ina solifaavae ma solitulafono le Faatautoga, ae afai….Afai  e uma ane le FITU (7) aso e lei Faatino le faatautoga ma le Tauaofiaga o le Palemene, ona toe asia loa lea e le faamasinoga le FAATAUTOGA lena, e mafai ai loa ona Faamalosia ma Aloaia.
It can become Lawful, ae maise i le doctrine lea ua taúa o le Doctrine of Necessity.
Ma e a tatou faitau i upu saó o lea doctrine e faapea lona faitauina.  “That which is otherwise Not Lawful, is Made  Lawful by Necessity…”O le Faatautoga e Mafai ona UNLAWFUL pe a fua i ni mau, poo legal arguments e lagolago ai o se tulaga sa tatau lava ona faatino (necessary).
Peitai… e mafai foi, ona liliu se mea na illegal pe solitulafono (Unlawful) pe afai e iai ni mau ma ni legal Arguments ua mafai ai ona faatino le Necessity la lea, ina ia mafai ai ona avea ma tulaga Tulafonoa, ma Faavaea. (Becomes Lawful).
Ae faataatia la lea tulaga, poo le iúga o le Supreme Court. O le mea taua ma ua tatou iloa nei, e LE TALIAINA e Tuilaepa se tonu a se isi, poo se tulafono, poo se iuga a se Faamasino e le talafeagai ma lona finagalo.

Ma e LE talia gofie foi pe faamamaluina e Tuilaepa le concept lea ua lauiloa i le lalolagi, i mea tau Legal Jurisprudence, Legal System ma le Court Hierarchy system in Law and Order.

O le uiga o laú tala, o lea e nofo silafia lava e Samoa uma le faasologa o Faamasinoga.  A maea se mataupu i Faamasinoga maualalo, e iai le aiā tatau e fai ai lau talosaga Apili i Faamasinoga Maualuga ane, seia oo lava i le tumutumu o Faamasinoga – le Court of Appeal. Ua malamalama uma foi Samoa ma le lalolagi atoa i le faasologa o le District Court, Supreme Court ma le Court of Appeal.
O le taufaasese la le faapea mai o Tuilaepa e sili atu le faaiuga a le Supreme Court i lo le Court of Appeal.

Atonu lava foi, i le lalolagai a Tuilaepa, o ia o le Judge, Jury ma le Executioner, e leai se isi, na te teena sona manatu. Ona taunuu ai loa lea o upu a le Patele Archibishop – “Power Corrupts, and Absolute Power Corrupts Absolutely””.

E tele naua isi saunoaga matuia ma le LE talafeagai na lafo aó faafofoga matai mai Savaii, ma molimau ai le atunuu.  Ua matua Leai ma se toe faaaloalo poo se Upu lelei e tausi ai le mamalu o le Faamasinoga ma Afioga i Faamasino, ae maise Tamaitai Faamasino e toalua, ua tau soo o la suafa e Tuilaepa, ae le taitai lava ona faaogaina Suafa Matai taua o loo umia e tamaitai Faamasino.

Ua Leai ma se Pa Puipui.

Lea lava ua sauni le latou vaega e fai le latou Savali e tetee atu i le Faamasinoga ma le latou solo tetee ma talosaga ina ia FAAMAVAE uma Afioga i Faamasino.
O le aso Faraile sa faatino ai le latou solo tetee ma faaaoga ai taavale e faaleo ai taavale pu (car horn) ma o le sign pito i luma sa faapea mai ai ua talepe e le Faamasino Sili le Faavae ma ua tatau ona faamavae uma  Afioga i Faamasino o le Faamasinoga Maualuga, faatasi ma le Faamasinoga o Apili.
O loo sauni foi le isi solo tetee mo le vaiaso fou. Ae peitai. Ai ua galo ia Tuilaepa le Tulafono sa pasia e le latou vaega ma le Palemene i le Tausaga 2016, e uiga lea i Soligatulafono o le FAALEMIGAO i Faamasinoga (Contempt of Court).
O le Fuaiupu 194 o le Tulafono o Taualumaga Tau Solitulafono (Section 194 of the  Criminal Procedure Act 2016)….
O le  (Contempt of Court) o lo o faasamoaina O LE FAALEMIGAO I FAAMASINOGA.
O lo o manino i le faafuaiupu 194 puipui tasi (1) puipua (a):

…” e molia oe i lou tau faamata’u, tau faafefe, taufaifai i se Faamasino ma le Faamasinoga”.

O lo o manino foi le faafuaiupu 194(1)(d):

“e molia oe i le solitulafono i lou fesoasoani ma le loto iai, taupulepule, fautuaina, faaosoosoina o se tagata e tau faamata’u, tau faafefe, taufaifai I se Faamasino ma le Faamasinoga..”

O le aoaoga mo tatou ae maise Tuilaepa ma le latou vaega lea o le a faatino o latou solo tetee.. ..Lelei…fine…

E leai se mea o i ai i le faatinoina o la outou Solo tetee.  O le aia tatau lena a le tagata poo le faalapotopotoga.
Ae e i ai pa puipui o lena gaioiga e pei ona fola mai i le tulafono ua taúa i luga. Faatasi ai, ma le matafaioi lea e taú o le  ACCOUNTABILITY ma le RESPONSIBILITY.
Afai ua e faatino se gaioiga, ma e solia ai le tulafono, o le mea tatau e te Accountable i le vasega o Leoleo, faatasi ma le Faamasinoga pe a e tulaí ina ua molia oe.
And We hope that All the organisers and leaders of the HRPP who are involved in promoting the disrespectful blasphemous and unjustified public outburst towards the Judiciary, that gives rise to Contempt of Court charges, just remember the Peter Parker Principle, that is akin to  the parable of the Faithful Servant..
“WITH GREAT POWER…COMES GREAT RESPONSIBILITY!!!!””

Ia Faamanuia e Le Atua ia Samoa.

Tainane Tausi ma Puipuia le Tamaliiaga o le Faamasinoga Mamalu a Samoa.
God Bless our Judiciary and God Bless our Samoa People.
Manuia
Taulapapa Victor Washburn

MIntBus, GradDipMus,BCom(Acctg), GradDipPerfArts, DipMus.