O le lisi lenei o le au taitoafitu a Samoa, poo au tama fanau o le a tauina le taua o le taitoafitu i Falani ma Egelani, lea e fuafua mo le Aso 20-22 o Me, ma le Aso 28-29 o Me.
O loo tuuina atu le lisi o nuu ma afioaga o tama taaalo, faapea ma le pulega, aua le tapuaiga a Samoa.
E toalua nisi o le a taaalo mo se taimi muamua (debut) i le taamilosaga o le HSBC. O Ati Junior Ati mai le Laulii Lions, lea sa malaga atu i Samoa nei, faapea foi ma Neueli Leitufia, o le Laulii Lions foi lava.
Saunoa Muliagatele i le tali mai i nisi o fesili a le Global News, e faapea o le faaogāina o Ati ma Neueli, o le build-up lea o le au a Samoa mo le lumanai.
“E tuu iai le avanoa e tofotofo ai foi i le level o le HSBC, ma atiinae ai pea a tatou local players…aua e moomia lava le expose o i latou i le level lea.”
Saunoa le faiaoga ia Muliagatele Brian Lima, o le latou tapenaga sa toe foi lava e iloilo ma suesue le latou taumafaiga mai Singapore ma Vancouver sa mavae atu nei. Sa fetuunai nisi o vaega e ao ona faaleleia atili.
“O mea e toe faaleleia atili, atoa ai ma tulaga sa lelei ona faatino, e faamalosia ma faaauau pea..
O lau Manu Samoa Taitoafitu o lo’o pool ma Aferika lea e sili i le taimi nei i le HSBC, faapea ma Aialani (Ireland) o loo tūlima, ma Spain o loo tūiva.
O le Manu Samoa e faatoa lua taamilosaga na oo atu iai, o lea la e tu sefululima i le taimi nei.
O le Digicel TV ma le TV1 Samoa e mafai ona e maimoa ai i le taamilosaga o le a tauva ai le Manu Samoa Taitoafitu i lenei weekend o le a sau.
