“Ou te vaai atu o le toto ua lepa i totonu o la’u taavale”

"I lena taimi sa ou taumafai e valaau atu nisi o alii sa moa vao lata ane mo se fesoasoani peitai, ua leai sou leo i lena taimi.."

0
5081

E lei iloa e le ave taavale la’u pasese le taimi sa faamanu’alia ai, ae sa ia lagonaina se maini tiga o lona ua, ona vaaia loa lea o le toto ua lepa i totonu o le taavale.

Sa maua se avanoa e faasoa mai ai le Susuga ia Afa Li’o, o se tamā 49 tausaga mai Faleula, lea sa aafia i manuaga ogaoga ina ua tui lona ua i se tama’i naifi (sei tulou) e se tasi o talavou sa oso mai i totonu o lana taavale la’u pasese.

I lipoti a leoleo e na o le 16 tausaga o le talavou sa faaolima ia Afa Li’o i le Aso Faraile, 19 Ianuari 2024.

Ua maua nei i le SSAB!

I le faasoa mai a Afa, o ia sa agai atu e momoli lana pasese i Vaitele Fou i lea taeao.

Ina ua ma’ea ona tuu le pasese, ae taofi mai loa lana taavale e se alii talavou ma oso ifo loa i tua o le ave taavale.

“Sa faapea mai lea alii, e fia ave ia i le Manumailagi, o loo faatali mai ai lona uso..”

“Peitai ma te oo atu i le Manumailagi ae faimai ma te o sa’o ia i Tuanaimato ona ua leai se isi o faatali mai o..”

Faasoa mai Afa, ina ua oo atu le taavale i Tuanaimato, ae faafuasei loa ona ia faalogoina pei e maini le tiga o lona ua.

Now available at SOS Togafuafua and Salelologa.

“Sa ou faalogoina, pei e mafanafana luma o lo’u fatafata, ae faateia au i lou vaai atu o le toto lea ua lepa i totonu o la’u taavale..

“Na tu le taavale ma ou oso i fafo.. i lena taimi sa sau le talavou oso i luma o le taavale ma sola i le taavale..

E lei mamao le alu o le taavale ae toe tu le taavale. Ae ou te vaai atu o loo punou lea alii ma laga la’u taavale mo se tupe..

Ua maua nei i le SOS Togafuafua ma Salelologa.

“I lena taimi sa ou taumafai e valaau atu nisi o alii sa moa vao lata ane mo se fesoasoani peitai, ua leai sou leo i lena taimi..

“Na ou vaai atu ua tamo’e ese le alii talavou, ma o loo ia uuina atu la’u ato o loo iai i totonu le $265 tala o le tupe pepa..”

Faasoa Afa, o le malosi lava sa ia te ia na toe oso ai i le taavale ma faalatalata atu loa i le nofoaga a le Ofisa o le SASNOC poo le Fa’alapotopotoga o Taaloga Olimipeka o Samoa.

Faailoa e Afa, o iina sa maua ai le fesoasoani tele mo ia ma faasaoina ai lona soifua.

“Na omai nisi o alii sa iai, ou te lē masani ai ma fesoasoani mai…

“Sa ou taumafai lava i si ou leo e faailoa le talavou na faia le faalavelave..

“Sa ou faalogoina le leo, e vili le taavale a le falemai [ambulance]..

Faasoa Afa, a’o faatali le taavale a le falema’i, ae omai loa nisi o i latou nei sa fesoasoani ia te ia, ma aumaia le talavou. Ua latou mauaina mai i le auala auā sa savali o ia ina ua maua le ato tupe.

“O le mea mulimuli lava na ou iloaina i lea aso o le fesili mai o nai tama, poo le alii talavou lea na osofaia a’u..”

“Na ou tali atu iai, ioe, ma pogisa atu ai loa lau vaai.”

O le tamā ia Afa, e toasefulu ma le tasi le fanau. Ua maliliu le toalua ae totoe ai le toaiva o lana fanau o loo tausi i le taimi nei.

E na o le toatasi o lana fanau o loo faigaluega e fesoasoani atu ia te ia.

O le tina o le aiga sa faigaluega peitai ua nofo nei e tausi si ona tama ma le aiga.

“O la’u galuega lava sa faamoemoe iai le tausiga o si o matou aiga aemaise si a’u fanau, ae o lea ua ou taoto i le falema’i, ia ua tele lava le afaina o lo’u aiga ina ua leai se galuega e tausi ai tamaiti.”

O Afa sa taofia i le vaiaso muamua i le potu tigaina le ICU, ma agai atu ai loa i le vaiaso nei ma taofia ai i le Acute 7.

O lana mau, pe afai e toe faafoisia lona malosi, o le a ia lē toe faia lenei galuega o le ave taavale la’u pasese, ae o le a saili se isi galuega e ese mai e tausi ai lona aiga.

Ua momoli le faafetai tele a le susuga ia Afa Li’o ia te i latou uma lava sa agalelei ma fesoasoani ane i le taimi o ona puapuaga, ma faasaoina ai lona soifua.

Faasalalauga Tāua 

Avanoa Faigaluega
Job Opportunities
Job Opportunities
Avanoa Faigaluega 

Avanoa Faigaluega