O se tasi o nofoaga ua faamautu mai e le soifua maloloina mo le faatautaia o tui o le misela e pei ona iai le faasilasilaga lona 4 mai le Komiti o Faalavelave Faafuasei i le aoauli nei. O le nofoaga lenei i Lepea o le falekomiti o le afioaga lea ua filifilia e faatinoina ai tuiga mai le 9 i le taeao seia oo atu i le 5 ile afiafi.
E tusa ma le fitu nofoaga ua faatulaga mai e mafai ona agai atu iai le mamalu o le atunuu ma o loo faamuamua mo le taimi nei le fanau 6 masina sei oo atu i le 19 tausaga le matutua, faapea ma tinā e lē o maitaga, 20 – 35 tausaga.
O le nofoaga tuai i Matagialalua i tua mai o le uati sa maitauina le tumu i le aso ananafi, ae o loo lata ane le isi foi nofoaga, o le Fale Samoa o le Ofisa o Turisi i le Eleele Fou.
O alalafaga e latalata i Vaimoso lea e agai uma i le laoa o Manuleleua Lauese, sosoo atu ai ma le Falekomiti i Lepea.
E mafai foi ona agai atu le mamalu o le atunuu i le nofoaga o le Ekalesia Katoliko i Moamoa.
I fafo mai o le taulaga o loo iai le Supamaketi tuai o le Mynas i Vaoala, ma le lotoa o le Koluse Mumu i Tuanaimato.
E le o iai ni nofoaga fou o faailoa mai mo alalafaga i tua, ae o loo taua i le faasasalauga, o loo iai van e mafai ona agai atu i aiga e le gafatia le oo mai i nofoaga faatulagaina.
O le numera e faafesootai o le 997.
O le numera lea o le 997 e mafai ona e valaau iai e aunoa ma se totogi. Tusa lava po ua uma lau credit, ae mafai lava ona a e valaau iai.
O loo faamalosia mai foi le avatu o le fanau, e taumafai o loo fai a latou talifofoga (mask) ma ia faanonofo tamaitai i taavale, seia oo i le taimi e tui ai ona ave lea i le nofoaga.
E pei ona faaalia i faamaumauga o Itumalo o Vaimauga i Sisifo faapea ma Vaimauga i Sasae o loo tetele ai le pipisi o le faama’i.
O le faamatalaga mai se tasi o tamaitai fomai tumaoti o loo agai atu e fesoasoani i galuega o loo faatino a le matagaluega o le soifua maloloina, o le fanau ua maliliu nei, e lei faia o latou tui puipuia.
Sa ia taua foi, o le isi tulaga o le toatele naua o aiga (overcrowded families) ma na te fautuaina le tausi lelei o le soifua maloloina o le fanau e ala lea i meaai paleni ma le toaga e inu le vaiauli.
E le o malolo le taulogologo pea a le Matagaluega ae maise le Komiti o Faalavelave Faafuasei ina ia utagia mai e le atunuu ma agai mai e fai tui puipuia i le taimi nei, ina ia tu’uitiitia ai le pipisi o lenei faama’i.
NATIONAL EMERGENCY OPERATION CENTRE: (PRESS RELEASE 5) November 20, 2019MASS VACCINATION CAMPAIGN FOR MEASLES OUTBREAK.
The Government of Samoa through the Ministry of Health activates today the confirmed sites within the Apia Urban Area (AUA), in which the Mass Vaccination against Measles will take place. The strategic intervention is part of a Whole-of-Government efforts to elevate the vaccination coverage for the whole county.
The extended Measles Vaccination Programme will be undertaken at the following sites:
• Wellness & Youth Friendly Clinic, Matagialalua: Monday to Friday 9am to 5pm
• Samoa Tourism Authority Fale, Eleele Fou: Monday to Friday 9am to 5pm
• Red Cross Headquarters, Tuanaimato: Monday to Friday 9am – 5pm
• Myna’s Old Supermarket, Vaoala: Monday to Friday 9am – 5pm
• Laoa Manuleleua Lauese, Vaimoso: Monday to Friday 9am – 5pm
• Fale Komiti, Lepea: Monday to Friday 9am – 5pm
• Catholic Church, Moamoa: Monday to Friday 9am – 5pm
There will be mobile teams who will cater for the public who cannot access the confirmed fixed sites and the public will be informed as more sites are activated.
Please direct all enquiries to the National Emergency Operation Center (NEOC) on telephone number 997.
(10)
