nbs: Momoli Faamanuiaga a le Faletupe o Tagatanuu Samoa mo le Au Siisii a le Fanau Aoga

0
224
Visiting major sponsors, National Bank of Samoa.

Sa maua se avanoa e momoli ai faamanuiaga a le faletupe o tagatanuu Samoa mo le au siisii a le fanau aoga, lea o loo sauni atu e tuua Samoa mo Niu Sila.

O le Aso Tofi 16 Me 2024 o le a tuua ai e le au siisii a tamaiti aoga a Samoa le malae vaalele i Faleolo ae faimalaga atu mo Aukilani i Niu Sila, o le a faatautaia ai le taamilosaga ua faaigoaina o le New Zealand International Invitational.

nbs General Manager, Papalii Sam Swann with Tuaopepe Jerry Wallwork and the National School Weightlifting Team of Samoa, 15 May 2024.

Saunoa le Peresitene o le Faalapotopotoga Siisii ia Tuaopepe Asiata Jerry Wallwork, o se taimi muamua lenei ua avatu ai se au siisii a Samoa mo lea faamoemoe.

“O se fiafiaga tele le matauina o le alualu i luma o taumafaiga a le fanau..”

Saunoa Tuaopepe o le taamilosaga lea o le a auai atu iai le tatou au siisii a tamaiti aoga, o le taamilosaga e tuu faatasi ai au fili a tamaiti aoga uma mai Niu Sila, Ausetalia ma atunuu o le Pasefika.

Tuaopepe Asiata Jerry Wallwork, 15 May 2024. PC: SGN.

Na momoli le agaga faafetai a le Peresitene, o ia fo’i o le Faiaoga Ulu mo Au Siisii a Samoa, i le Alii Pule o le faletupe le afioga ia Papalii Sam Swann faapea le mamalu o le Pulega ma le au faigaluega a le National Bank of Samoa – nbs

“E faafetaia le lagolagosua pea a le faletupe o le National Bank of Samoa, i tapenaga, ae maise o se taumafaiga ma le faamoemoe a le fanau aoga.”

E 11 le aofai o le fanau, faatasi ma le pulega e toafa o le a malaga atu mo le faamoemoe i le Aso Toanai ma le Aso Sa nei, 18-19 Me 2024.

Team Samoa includes 11 athletes and 4 management.

O fanau o le a masii o loo aotauina i kolisi maualuluga i totonu o le atunuu, ma o se taimi muamua lea ua tuufaatasia ai ma malaga atu se au tele faapenei.

TEAM SAMOA
1. Marina Kauri, F, 64kg
2. Lama Tafi, M, 67kg
3. Faitasia Seuao, M, 73kg
4. Niusila Opeloge, M, 81kg
5. Sione Sasa, M, 81kg
6. Vaafuti Logo, M, 89kg
7. Emmanuel Ulimasao, M, 89kg
8. Tovio Ah Chong, M, 96kg
9. Fomai Faimanifo, M, 109kg

Coach – Ele Opeloge
Manager – Ola Salimu Lui
Asst. Manager – Tuuamalii Opeloge

O le Faletupe o Tagatanuu Samoa ua le tasi le lua foi ona tuuina atu sa latou foai tau seleni e fesoasoani ai mo le faatupeina o le masii atu o au siisii a le atunuu, pei ona iai nisi o taamilosaga ua tuanai atu nei.

O Papatoetoe i Aukilani o le a faamoemoe e faatino ai le taamilosaga tele lea mo fanau aoga.