nbs: Agalelei le Faletupe o Samoa i le Polokalame Tā Fesilafa’i

O le Tā Fesilafa'i o se polokalame amata e aotauina ai tupulaga lalovaoa o Samoa i faigasiva faaleatunuu ma le Pasefika faapea le ailaoafi. 

0
394

E $10,000 se tinoitupe ua agalelei ai le Faletupe o Tagatanuu, le National Bank of Samoa mo le polokalame Ta Fesilafa’i lea e taitaia e le tamaitai Tausala o Samoa ma le Pasefika Moemoana Safaatoa Shwenke.

 

O lagona o le faafetai ma le faagaeetia na saunoa iai le Tausala o le Pasefika, ina ua foai e le faletupe National Bank of Samoa lenei meaalofa tupe.

Asiasi atu loa i le SOS – Togafuafua ma Salelologa.

Saunoa Moemoana, o lenei meaalofa o le a fai ma fesoasoani tele mo le faamoemoe o le Tā Fesilafa’i

“E faafetai, faafetai tele i le pulega ma le aufaigaluega atoa a le National Bank mo le seleni, aemaise o se manatu e fesoasoani ma atiina’e taleni mo tagatanuu o Samoa.”

O le Tā Fesilafa’i o se polokalame amata e aotauina ai tupulaga lalovaoa o Samoa i faigasiva faaleatunuu ma le Pasefika faapea le ailaoafi.

O le taleni o le siva ailao, o le tasi lea o pine na pale mai ai Moemoana e avea ma tausala o Samoa faapea le tausala o le Pasefika.

O lea ua ia faaauauina ai se aoaoga mo fanau iti, tamaitai faapea alii, e aoaoina ai lea taleni.

O se avanoa e saga una’i ai fanau iti i lo latou tuputupu a’e, e faataua le siva a le atunuu sa faafailele mai e tua’a ua momoe mai i tiasa.

O le faletupe o tagatanuu le nbs ua le tasi ae ua lasi ona latou agalelei i soo se faamoemoe.

O lea foi sa latou tuuina atu se fesoasoani mo le ausiisii tuufaataai a aoga i Samoa, lea faamanuiaina fo’i i le vaiaso nei.

Faasalalauga Faalauaitele