Na o le 18 Tausaga o se Alii na ia Gaoia se Taavale ma Faaleagaina

0
8303

E 18 tausaga o se alii talavou o loo taofia nei e leoleo ina ua ia gaoia se taavale mai fafo lava o le fale a ē ona le taavale.

New arrivals at SOS Togafuafua and Salelologa.

Tā’ua e le Afioga ia Alberto Schreiber o lana taavale sa aveese atu e lenei tamaitiiti i le vaveao o le Aso Toanai, pe tusa ma le 5:40am.

Sa agai loa Alberto e faasalalau faalauaitele i luga o upega tafa’ilagi le ata o lana taavale, ma na toatele i latou sa toe faasalalauina (shared).

E le’i umi se taimi na sola ai lenei talavou ma le taavale, ona sa lipotia mai e leoleo, o le taeao lava o le Aso Toanai na lavea ai (9:50am). Sa fesootai ane e leoleo le susuga ia Alberto Schreiber ma faailoa atu iai, o le taavale o loo lavea leaga lava i Aleisa.

Photo: Supplied.

O le faamatalaga a lea alii, e na o ia na faia lea soligatulafono, e leai se isi na la toalua.

Sa oo atu le alii o Alberto i le Ofisa o Leoleo ma sa ia vaaia ai le tamaititi faatoa 18 tausaga lea o loo molia.

“O le mea sili o lea ua loka e leoleo le alii lea sa avea la’u taavale.”

“O le tala a leoleo, o loo lokaina fo’i le tamā a lea tamaitiiti i Tanumalala..”

Tā’ua e le Komesina o Leoleo le afioga ia Auapaau Logoitino Filipo, e tele moliaga o le a faasaga agai le tamaitiiti.

O le a molia o ia i lona gaoiina o le taavale, faapea ma le lavea ai o le taavale i lona ave taavale saoasaoa, faapea ma le ave taavale e aumoa ma se laisene.

Ua faatupulaia pea soligatulafono o le gaoi ma le talepe fale. O le asō na tāua ai fo’i e nisi o molimau, sa gaoia ai foi nisi o kamupani tū taulaga e pei o le Phat Burger ma le Transam.

Sa maua atu fo’i e se aiga i Lotopa se tasi o alii o loo ao mai lo latou tagamea o loo tautau i le balcony o le latou fale.

Public Notice