Moomia e Samoa nisi Faamasino Faaopoopo e Tali Atu ai i le Tele o Mataupu Feagai ma le Faamasinoga

"Ua faatuputupulaia solitulafono matuia, e mafua mai le fa'aaogaina o vailaau faasaina ma le tele o isi soligatulafono ua tulai mai i totonu o Samoa.."

0
40
Chief Justice Satiu Simativa Perese at his swearing in, June 2020. 📷 Maina Vai, SGN.

E toatasi se faamasino mo le Faamasinoga Maualuga ma le toatolu o faamasino o le Faamasinoga Faaitumalo e tatau ona tofiaina.

O se saunoaga lea a le afioga i le Faamasino Sili ia Satiu Simativa Perese i le toe talalaina o le auaunaga o Faamasinoga mo lenei tausaga fou.

O le Faamasinoga Maualuga o loo tautuaina e le Faamasino Sinia (Senior Supreme Court Judge) ia Vui Clarence Nelson, ma Faamasino e toatolu. O afioga ia Niava Mata Tuatagaloa, Fepuleai Ameperosa Roma ma Leiataualesa Daryl Clarke.

E le’i toe iai se faamasino e sui i le afioga ia Tologata Leilani Tuala-Warren, lea sa faamavae i le tausaga talu ai.

Ua maua nei i le SOS Togafuafua ma Salelologa.

O faamasino o le Faamasinoga Maualuga, latou te tautuaina foi le Faamasinoga Apili, lea e faatumutumu iai faamasinoga uma o Samoa.

O le Faamasinoga Faaitumalo o loo taitaia e le afioga i le Faamasino Sinia (Senior District Court Judge) ia Talasa Atoa-Sagaga. O loo tautuaina e lana auvaa i afioga ia Matautia Leota Raymond Schuster, Alalalatoa Rosella Papalii ma Loau Donald Kerslake.

O le Faamasinoga Faaitumalo, e aofia ai le Faamasinoga mo Tupulaga Talavou (Youth Court) o le Faamasinoga mo Aiga (Family Court) faapea ma le Faamasinoga mo soligatulafono e aafia ai le ava malosi ma laau faasaina (Drugs and Alcohol Court).

Saunoa Satiu, “O le faatuputupulaia o solitulafono matuia, e mafua mai le fa’aaogaina o vailaau faasaina ma le tele o isi soligatulafono ua tulai mai i totonu o Samoa, lea e tatau ai ona faatulaga lelei le vasega o Faamasino e faatinoina le galuega a le Faamasinoga.

“E tatau foi ona tapena le Faamasinoga e tali atu i auala e fo’ia ai nei mau faafitauli, aemaise, o le puipuiga o tagata lautele o le atunuu o Samoa.”

Na toe faamanatu e le Faamasino Sili le taua o le tofiga faamasino.

“O le faamasino o se tofiga e ma’ale’ale, e puipui tapu i le tutoatasi o le faamasino faapea le faamasinoga.”

E tele nisi galuega o le a taula’i iai le vaai a le Faamasinoga i lenei tausaga e aofia ai ma se fonotaga tele o Faamasino Sili o le Pasefika, o le a usuia i Samoa nei, i le masina o Fepuari.

Faasalalauga Tāua

Avanoa Faigaluega

Avanoa Faigaluega

Avanoa Faigaluega
Job Opportunities
Job Opportunities