Momoli ane e le afioaga nisi o alii e toalua o masalomia i se faatoaga mariuana lea sa tafaga ai Alii Malu o le Malo.
O lea ua faamaonia mai e le Sui Komesina a le Matagaluega o Leoleo, Papalii Monalisa Tiai Keti, le momoli ane lea e le afioaga o Salelavalu, o taulelea se toalua mai le toatolu o loo tau sailia nei.
O i laua ua faapena ona momoli ane, o Sula poo Apisaloma Setu, ma Manuia Lafaele Tanuvasa.
Ua faailoa ifo foi e sui o le afioaga, le tuuina atu lea o le Aso Toanai, e tatau ona oo atu iai ua momoli ifo le tasi alii o loo tau sailia nei, o Masina Tiatia Lega.
Ua faamaonia mai foi e Papalii le iai lea o le Komesina o Leoleo le afioga ia Auapaau Logoitino Pilipo, ma nisi o Malu o le Malo i totonu o Savaii, e sauni ma mataitu gaigoia uma a le afioaga i le tau sailia mai o le isi taulelea.
Ua faamaonia mai foi se molimau o se tasi o loo galue i totonu le afioaga, le faia lea o se faasalaga o nei taulelea ma o latou aiga, e ta’i 100 aumatua.
