Molia se alii 42 Tausaga i le Fasioti Tagata Faamoemoeina

E 42 tausaga o lē ua molia nei, ma tuuaia i le fasioti tagata faamoemoeina..

0
394

O le faaiuga o le vaiaso na te’a nei sa tulai mai ai se faalavelave i se tasi o pitonuu o Saleimoa, na maliu ai se tamā 56 tausaga.

I se faatalanoaga ma le afioga i le Komesina o Leoleo iā Auapaau Logoitino Filipo sa ia faamaoniaina ai o loo taofia ai nei se alii e 42 tausaga mai Saleimoa lava.

Ua moliaina nei lea tamā i le fasioti tagata faamoemoeina.

Saunoa Auapaau, “I mua’i suesuega (preliminary findings) a le Matagaluega o Leoleo, o se inuga ava malosi na tulai mai ai se fe’eseeseaiga i le va o i laua nei ma faaoolima ai le ua molia i lē ua maliu.”

Sa maliu lava lē o loo masalomia na tagatavaleina, ae lei taunuu ifo o ia i le falemai.

O le Aso 19 o le masina nei o le a tula’i ai lē ua molia e tali atu i le moliaga o le fasioti tagata faamoemoeina.

O lenei faalavelave na tulai mai le faaiuga le vaiaso.