Liliuina mai le FaaPeretania. O se teineititi 8 tausaga mai Toamua sa faasalalauina mai e leoleo i le vaiaso na tea nei o loo tau sailia, ua tuuina atu o ia i le nofoaga o le Toomaga mo e Puapuagatia le SVSG Campus of Hope, ae ua molia lona tamā i le faaoolima.
Ina ua toe maua le teineititi sa faamaonia ai e leoleo, sa sola o ia ona o sauaga i totonu o le aiga, e fasi soo ai o ia.
Sa le toe fia fo’i lenei teineititi i lona aiga, ma tuuina atu ai loa o ia i lalo o le vaavaaiga a le SVSG.
Ua saunoa le Afioga i le Komesina o Leoleo ia Auapaau Logoitino Filipo, o moliaga o le faaoolima – assault and causing injury – o loo molia ai le tamā, atoa ai ma moliaga o le lē tausia lelei o le fanau – breach of parents duty to provide necessaries.
O lea moliaga o le lē faia o tiute i le tausiga o le fanau – e mafai ona molia ai matua e lē o fafanaina lelei le fanau se’i tulou, pe lē o tumamā fo’i le nofoaga o loo tausia ai, pe lē tuuina atu le fanau e faaaooga atoa ma isi tiute e puipuia lelei ai i latou.
“A parent who allows a child to go hungry, live in unsanitary conditions, or not attend school may be considered in breach of their duty to provide necessaries.”
Saunoa Auapaau e ono iai nisi moliaga e faasaga i lenei tamā ao faagasolo pea suesuega a leoleo.
Ina ua fesiligia le Komesina, sa ia saunoa e le’i iai ni tuuaiga tau feusuaiga i le taimi nei o suesuega.
O le Aso Gafua 28 Aperila na tuua ai e lenei teineititi 8 tausaga le latou aiga i Toamua ma lipotia ai loa e le aiga – missing child report.
Ina ua agai atu suesuega a leoleo ma iloa ai, o le faatolu ai lea ona sola ese lenei teineititi ma lona aiga, ona o le fasi soo o ia.
O loo tumau pea ona nofo vaavaaia i Tanumalala lē ua molia, seia oo i le ulua’i aso e tula’i ai i le Faamasinoga.
Ua faatupulaia pea le faasalalauina mai o tamaiti leiloloa ma tuua a latou aiga, ae o ni nai aso ma tuuina mai faasalalauga ua toe maua i latou ma toe faafoi i o latou aiga.
Read the English Version Here
- 16 locals and 14 overseas-based applicants Pass the Malua Entrance Exam - October 13, 2026
- Fuafua le Malo e Toe Faatū Nofoa e Lua mo le Au Palota Tu Taulaga - October 11, 2026
- Tumau Tuia Pu’a Fuatogi Letoa i le Nofoa o Safata 2: Teena le Talosaga a Leleua - October 9, 2026
