Molia nisi se toafa i le tuuina atu o faamatalaga taufaasesē i le Ofisa o Faigapalota

Ganasavea Manuia Tafeaga and Julius Netzler

July 9, 2025

1056

Published 8 July 2025, Updated 9am 9th July 2025. Ua molia e leoleo nisi se toafa i le faia lea o faamaumauga le moni e lima taitaiina sēsē ai le faatinoga o le galuega a le Ofisa o Faigapalota.

Ua faamaonia mai e le Komesina o le Matagaluega o Leoleo le tofā ia Auapaau Logoitino Filipo, o loo faagasolo pea sueauega ae o lea ua molia le toafa – e toatolu tamā ma le tinā e toatasi.

O loo tuuaia i le tuuina atu o faamaumauga taufaasēsē ao faagasolo le resitalaina o le mamalu o le atunuu mo le faigapalota o loo loma nei.

Saunoa Auapaau, “E toalua ua molia i le faaaogaina o pepa fanau o isi tagata e resitala ai mo le palota, ae o isi o loo molia i le saini faamalosi o suafa o isi. .”

Saunoa Auapaau e 5 tausaga i le falepuipui le faasalaga pito maualuga (maximum penalty) pe afai ae faamaonia moliaga .

I se faatalatalanoaga ma le Komesina o Faigapalota le afioga ia Tuiafelolo Toleafoa John Stanley, na ia saunoa ai, o se tasi lea o faafitauli o loo faafegai nei ma le aufaiguluega o le Ofisa – o le sēsē lea o faamaumauga o loo tuuina atu e le atunuu.

Sa faailoa mai fo’i e Tuiafelolo, sa latou tuuina atu fo’i se sui tauva faaolioli i le Ofisa o Leoleo matagaluega leoleo, i lona faia lea o se tusi e faamaonia ai se tagata resitala, ma ia saini ai le suafa o se faifeau ma le faamoemoe e faamaonia ai le resitala.

“O ituaiga faafitauli nei sa fetaia’i ma le aufaigaluega i le taimi a’o faagasolo le resitala..”

Na tapunia le resitala ua ausia le 87.2% o tagatanuu Samoa ua resitalaina mai le 117,225 e agavaa.

E silia ma le 102,220 le aofai na mafai ona resitala, ae lata i le 15,000 e le’i resitalaina.

Email: lynn@lynnsgetaway.com. Ph: +685 20272

O le vaiaso nei o loo faagasolo ai le resitalaina o Sui Tauva mo le faigapalota, mai Vaega Faaupufai e 7 ua resitalaina.

Ua maitauina foi le toatele o le mamalu o le atunuu ua faali le lagolago mo vaega faaupufai eaeese; faapea fo’i ma le vaaia ma le faanoanoa le tele o upu lafo ma tuuaiga mătuiā o loo aafia ai nisi i luga o upega tafailagi.