Molia e Leoleo se Talavou 22 Tausaga i le Fasioti Tagata Faamoemoeina na Maliu ai se Alii 29 Tausaga mai Faleatiu

"E ono iai nisi moliaga faasaga i lea alii talavou.."

0
1425

Ua molia nei e leoleo se alii talavou e na o le 22 ona tausaga, o loo masalomia i lona faaaogaina o se laau malosi e faaoo ai le oti i se alii 29 tausaga.

I se tali mai a le Komesina o Leoleo, le afioga ia Auapaau Logoitino Filipo, o loo faagasolo pea suesuega a leoleo, ae o loo masalomia (preliminary findings) o se feeseeseaiga na tulai mai i le va o lenei alii talavou ma le ua maliu.

Saunoa Aupaau, o le moliaga o le fasitoti tagata faamoemoeina (murder) ma le uumiaina o se laau malosi e le faatagaina (possession of illegal weapon) lea ua molia ai le talavou.

“Ae ono iai nisi moliaga faaopoopo faasaga ia te ia..”

Saunoa le Komesina o Leoleo, “O lea ua i lima o leoleo le laau malosi, o se ituaiga e le faatagaina i totonu o Samoa.”

O le po o le Aso Tofi o le vaiaso na tea nei, Aso 21 Mati na tulai mai ai lenei faalavelave i le afioga o Faleatiu.

O le ogaoga o manuaga mafua mai le laau malosi lea e faamauina e leoleo na oo ai le maliu i le na aafia, ae o loo taofia nei lona tino maliu i le falemaliu i Motootua, e talia ai se faaiuga mai le Pule o Maliu Lilo (Coroner) pe moomia se taotoga faapitoa.