O se taimi muamua lea ua faamauina ai le toaitiiti o le aofai a le au taaalo a Samoa o le a tausiniō i taaloga o le Mini Games, peitai, ua faailoa e le Peresitene o le SASNOC, le afioga ia Tuaopepe Asiata Jerry Wallwork, o le best of the best lea ua filifilia.
Mai le tala faasolopito o le auai ai o Samoa i taaloga faale-itulagi o le Mini Games, o se taimi muamua lea o le a masii ai se au ta’aalo toatiiti a Samoa e tausinio ai.
Saunoa Tuuaopepe, “Ua filifilia le 57 o sui ta’aalo e aofia ai faiaoga ma pulega mai taaloga e 9 o le a tausinio ai Samoa, ma o le best of the best lea ua filifilia.”
O se feiloaiga a le ofisa autu o le SASNOC e faalauiloa ai le au a Samoa na saunoa ai le Minisita Tausi o le Matagaluega o taaloga le afioga ia Lautiamanu Matthew Ringo Purcell e faamalosiau le au o le a masii.
Saunoa Laumatiamanu, “E le gata o le taaloga o le a e tauva ai, ae o le isi itu tāua ia faatauaina le taimi nei o oe lea ua fai ma sui poo se ave fu’a a Samoa mo taaloga Mini Games.
O le mea lea ia loto tetele ma ia faamoemoe i Le Atua, ia manuia o outou faiva.”
Saunoa Tuuaopepe, “O le lu’i ua tuuina atu i le au taalo, ia tofu le tagata ma le pine, pe pine auro, pine siliva poo le pine apa memea, ae ia maua se pine aua le tapuaiga a le atunuu.
O le faaiuga o le masina nei i le Aso 29 e amatalia ai taaloga Mini Games ae faama’ea i le Aso 9 Iulai lea o le a talimalo ai Palau.
- Moomia e le Faamasinoga Mafuaaga Tatau e toe Faitau ai Palota mo Itumalo e 10 - September 10, 2025
- Vave ona talia ma faaulufale e Faumuina le ifoga a Alii ma Faipule o Safua - September 9, 2025
- Talosaga Faaolatane Fiu lea sa tū lua, ina ia Toe Faitauina Palota mo Palauli 2 - September 8, 2025
