Manumalo Annie Cairns i le Uluai Pine Auro mo Samoa i le IVF World Distance Championship i Apia

0
302

O se tamaitai Samoa e faamautu i Niu Sila, ua ia ausia nei le uluai pine auro mo Samoa i le vaega o le V1 Master Women 40, 16km.

Available only at SSAB! Simply the Best.

O Annie Cairns ua ia manumalo i le alo toatasi (V1) i le taamilosaga alo vaa faava’omalo, IVF World Distance Championship o loo faagasolo nei i Apia.

Ina ua fesiligia Annie mo sona finagalo na ia saunoa ai, “O loimata o le fiafia i le vaai atu ua laulau tutu mai le atunuu ma pepese i le usuina o le vii a Samoa, faapea ma nisi sa latou faatinoina le haka, ma le sivatau.

“Ua ou lagonaina ai o Samoa e pei lava o se aiga e tasi.”

Na ia faafetaia le lagolago ma le tapuaiga a Samoa, lea ua manuia ai le taaloga.

Saunoa Annie Cairns, “O le eseesega o le taamilosaga lenei ma isi taamilosaga sa ou auai atu iai, o le faia lea i Samoa nei, e lagona ai lava le lifi i luga o le taumafaiga ona o le tapuaiga a le atunuu..”

Sa tulaga lua le tamaitai alo vaa mai Hawaii ma ia mauaina ai le pine siliva, ma le pine apa memea na faamanuiaina ai le tamaitai mai Iapani.

O Annie Cairns ua 25 nei tausaga talu ona ia faia lenei taaloga o le alo vaa, ae ua 10 tausaga o ia tauaveina le igoa o Samoa i taamilosaga alo vaa faavaomalo.

O le tausaga na tea, 2022, sa ia tauva ai mo Samoa i Lonotone mo le IVF World Sprints, ma sa ia ausia ai le tulaga lua poo le pine siliva.

A maea le taamilosaga o loo faia nei, ona toe sauni atu foi lea o Annie e tausinio i le taamilosaga o le Pacific Games, lea e talimalo ai Solomona i le masina o Novema i le tausaga nei.

O le faamoemoe, o le a ia toe ausia ai foi se pine auro mo Samoa i lea foi faamoemoe.

Public Notice


[starbox]