Faaliliuina: Marieta H Ilalio
O se faalavelave o loo faafetaia ai le leai o se soifua na maumau ai, ina ua fetoai se taavale (minivan) ma se pou moli i Tuanaimato i le vaveao analeila.
Sa faamaonia mai e Fuimu na logoina le latou ofisa i le 5 i le vaveao, ma sa latou faanatinati atu loa iai mo se fesoasoani.
Na faamaonia mai o loo manua tigaina le tina sa nofo i le itu o le pasese, ina ua fetoai le taavale na faafoeina e le tama ma le pou moli e faafesagai lelei lava ma le malae soka i Tuanaimato.
“O le ulugalii, o se tama ma se tina i laua. E ave e le tamaloa le taavale ae nofo le tina i le itu o le pasese”.
Na auina atu e le Fuimu lenei ulugalii i le maota gasegase i Motootua mo togafitiga i le taeao lava analeila.
O se tasi o tinā sa ia faamatalaina le pa’o o le lavea i le vaveao, sa fafaguina ai le toatele o i latou o loo nonofo lata ane.
“O le mamafa lava o le lavea, o le itu sa iai si tinā, ma sa vaaia le afaina tele o lona lima, ua tautau ese mai lava”.
Sa tā’ua foi e Alii Malu o le Malo, sa logoina foi latou i lea taimi. Sa molimauina foi le tumutumu o le mamalu o le atunuu sa iai.
