E 746 palota le mamao o le sili a le afioga ia Lautimuia Uelese Vaai iā Taialiiseu Afoa Fiti Aimaasu i le mae’a ai o le faitauga muamua (preliminary count) o le Faigapalota Laititi a Vaimauga 3 lea sa faatino i le Aso Faraile 01 Me 2026.
Peitai, ina ua tuuina mai le faaiuga aloaia e le Ofisa o Faigapalota, sa faamaonia le toe faaopoopo o nisi palota mo lē sa fai ma Minisita o Tupe.
E 1,802 palota a Lautimuia, ae 996 palota a le Taialiiseu. O lona uiga e 806 palota le vā (margin) poo le sili a Lautimuia nai lo Taialiiseu.
O Taialiiseu sa mamumalo i le Faigapalota Tele a Samoa ia Aukuso 2025, i lalo o le faamalu a le vaega faaupufai e puipuia aia tatau a tagata le HRPP. Peitai sa faamavae aloaia o ia, ina ua finagalo o le a se’e atu e lagolago le vaega faaupufai o le FAST o loo tulai mai i le foe o le faigamalo.
O le Faigapalota Tele sa manumalo ai Taialiiseu ao fai ma sui o le HRPP i palota e 1,465 ae 1,339 Lautimuia. E 126 palota na sili ai. Peitai, o lea ua ausia e Lautimuia le 1,802 palota ae pa’ū palota a Taialiiseu i le 996 palota.
Ua faaitiitia le lagolago a le Itumalo i palota e 469 – mai le 1,465 palota i le 996.
Ae mo Lautimuia, ua siitia le lagolago a le Itumalo i palota e 463 – mai le 1,339 i le 1,802.
E matauina, sa le mafai e Taialiiseu ona ia ausia palota sa maua e Nonu Laulu William, lea sa fai ma Sui Tauva a le FAST i le Fagapalota Tele ia Aukuso.
Sa matuai faaitiitia le lagolago a le Itumalo mo le vaega faaupufai o le HRPP. Lea sa na o le 573 palota a le afioga ia Tuuamaalii Tupuola.
I faalauiloa a le afioga ia Lautimuia sa ia faamamafaina ai, o faamanuiaga a soo se Faigamalo, e laugatasia uma ai le mamalu o le atunuu.
Saunoa Lautimuia i ana faalauiloa, e sesē le mau e faapea: sei vagana ua tulai mai le Sui Faipule o se sui o le vaega faaupufai o loo tulai mai i le Malo, ona faatoa maua lea o faamanuiga.
- Ta‘utino Lise-Marie sa Pepelo i Leoleo ma Taumafai e Fa‘asesē i le Faagasologa o le Fa‘amasinoga - September 2, 2026
- Police Brutality Alleged after Sinamoga Father Dies Following Drug Raid - August 29, 2026
- Maiava Iulai Toma Remembered for a Lifetime of Service to Samoa - August 26, 2026
