19 Aukuso 2020, Savaii Samoa. E 49 tausaga o se tinā mai le afioaga o Fagamalo i Savaii lea ua fa’amaonia mai le maliu ona o se fa’alavelave tau ta’avale lea ua molia ai nei e leoleo lona toalua i le ave taavale faatamala ua oo ai le maliu i se tagata.
Sa taua e le Komesina o leoleo ia Sua Fuiavailiili Egon Keil o le po o le Aso Gafua na sei mavae atu nei i le 7 i le afiafi sa tupu ai le faalavelave ina ua pa’ū atu le taavale a lenei ulugalii i se vanu i Patamea.
Na faaalia e se tasi o le aiga i Fagamalo, o lenei ulugalii, sa o atu i se la feau i le afioaga o Patamea, peita’i o le toe foi ifo lea sa lavea ai loa le la ta’avale i le Mali’oli’o i le vaega maualalo o le vaitafe, ma maliu ai lava le tina ae fa’asaoina le tama.
Sa faaalia e nisi o lenei aiga, lea e le’o finagalo e fa’ailoa o latou suafa, o le tinā ia Aiganalupe Poai Tavita, e fa’agalo gata ona uiga tausa’afia ma agamalie i totonu o le aiga, ma o se tinā foi e galue malosi i le maumaga I le atiinaeina o ana mea toto i aso uma.
E faigaluega foi o ia i le faletalimalo o le Le Lagoto i Fagamalo lava.
O le taimi nei o lo’o fa’aauauina su’esu’ega a leoleo ma o loo tatala i tua lenei tamā e tālia lona tulai e tali atu i ona moliaga i le Aso 22 Setema 2020.
- Hearing Date Set for Four People Charged with Sexual Acts on Woman with a Disability - October 5, 2021
- Two Sasina Matai Charged with Uttering Threatening and Insulting Words - October 5, 2021
- Male Prisoner at Tanumalala Pleads Guilty to Acts of Sodomy - October 5, 2021
