Maliu se Matua Tausi 87 Tausaga mai Faasaleleaga 2 i le Koviti

0
735

Toalua ua maliliu i le Koviti 19 i Samoa

Ua faamaonia mai e le Matagaluega o le Soifua Maloloina i le asō le faaopoopo ai o le isi toatasi i e ua maliliu ona o le Koviti 19.

O le ua maliu o se matua tausi e 87 tausaga le matua mai le Itumalo o Faasaleleaga 2, Savaii. Sa auina o ia ma taofia ai i le Falemai o Malietoa Tanumafili II i Tuasivi i le Aso Tofi, 31 Mati 2022 ona o le ogaoga o aafiaga o ona ālāea, ma faamaonia ai ua aafia i le Koviti 19, ma ua limonia. E leai ni aafiaga tumau o lona soifua, peitai e le’i faia ona tui puipui o le Koviti 19.

E ui i togafitiga faafomai na tuuina atu e Fomai ma Tausi Soifua i Tuasivi mo le tina, na siliga taliiseu ma maliu ai i le taeao nei, Aso Sa 3 Aperila, 2022.

Ia apepele pea e le Atua le aiga faanoanoa, ma ia iai Lana faamafanafanaga i loto faavauvau, a o iai i nei ituaso faigata

Talu ai ona o le amanaia ma le faaaloalogia o aiga o le ua maliu, o le a leai ai nisi faamatalaga e tuuina atu mai le Malo