E 19 tausaga o se alii talavou mai le afioaga o Toamua sa maliu i le faaiuga o le vaiaso ua tea nei.
Sa saunoa le Komesina o Leoleo Auapaau Logoitino Filipo, sa lipotia mai e faapea sa malemo o ia.
“O se fagotaga na agai ai lē ua maliu ma nisi o ona aiga ma ana uo. E faapea sa malemo o ia ma maliu ai lava.”
Sa saunoa Auapaau, “E ui ina māua foi le e le Matagaluega o le alii talavou na malemo, ae peitai, o loo faasolo pea suesuega pe lē o iai se sootaga i ni faiga faasolitulafono na mafua ai le maliu.”
O le tulai mai o lea faalavelave, ua toe fautua mai ai le Komesina o Leoleo i le mamalu o le atunuu ina ia tautuana le saogalemu.
“Ia mata’itu vaega uma o le loloto o le gataifale aemaise o taimi e mou ai le tai, faapea le toe sua mai o le tai.”
“O vaega uma ia e ao ona silafia ma tapena iai le mamalu o le atunuu mo fagotaga.”
“Ia tautuana lou saogalemu, ia ave lava lau faamuamua i lou saogalemu. Aua foi le naunau i le i’a ae maimau ai le upega, pei o upu masani a le atunuu.”
Sa momoli mai foi se faamaisega ma se faamafanafanafa a le afioga i le Komesina o Leoleo mo aiga ma matua i le maimau ai o le soifua o lenei atalii.
- Silia ma le $16,000 le Tau o Meatotino sa Gaoia mai le Maota o le Komesina o Tineimu - December 6, 2023
- 25 Gasegase o le Koviti ua Faamauina e le Matagaluega o Soifua Maloloina - December 6, 2023
- Teena se Poloaiga e Taofia ai le Faatinoga o le Galuega a Afega - December 5, 2023
