Malaga mai le Kolisi o De La Salle i Samoa

0
290

29 September 2019 Apia Samoa. O le afiafi ananafi lea na taunuu mai ai i Samoa nei le aumalaga mai le Kolisi o De La Salle i Aukilani Niu Sila, e taitaia e le sui pule le alii o Dermot English faatasi ai ma le tamaita’isa ia Noella Tialavea atoa ai ma le vasega o faiaoga.

Sa taua e le sui pule ia Dermot English, o le aoga lenei i Aukilani e tusa male 550 tama Samoa o loo aoaoina ai ma o le 66 pasene lea o le aoga.

“E ova ma le afa o le aoga o tamaiti Samoa. E leiloa pe tutusa le matou numera ma Samoa College.”

O le kolisi o De La Salle sa aooga ai nisi ua lauiloa nei i le lakapi ma le lakapi liki e pei o John Kirwan o le Olopeleki ma Jeff Lima sa taalo i le Toa Samoa faapea le au a le Kiwi.

O alo foi o Samoa o loo auai atu i le ipu o le lalolagi (RWC 2019) o Piula Faasalele o loo taalo i le Manu Samoa faapea Timothy Lafaele o loo taalo mo Iapani.

E lua vaiaso le malaga, ma o loo talimalo ai le Kolisi o Sagato Paulo VI i Leulumoega Tuai.

Na faaalia e le tamaitaisa ia Noella, e tusa ma le toaono alii aoga (students) ae o le isi vaega e toasefulu o le au malaga o le aiga faiaoga.

Faafeiloai i le malae vaalele Faleolo.

Na faailoa o le autu o le faiga malaga, ina ia siitia le malamalama o faiaoga ma tamaiti aoga i tu ma aga o le faa Samoa.

“O le autu o lenei faigamalaga o le faataua lea o le olaga o le tamaiititi Samoa sa ola i Niu Sila, ma faamalosia lona malamalama i lona tagata, o ia o le Samoa moni;

Sa ia taua foi o leisi autu o le malaga esootaiga ma le Kolisi o Sagato Paulo VI e pei ona amata ai i le tausaga ua mavae ona faipaaga le kolisi o De La Salle ma Sagato Paulo VI.

O le a faatasi le aumalaga ma le kolisi o Paulo le ono i le taimi o aoga e faatino ai nisi o latou polokalame ua faataatia mo le lua vaiaso lenei o loo malaga mai ai.

Sa taua e le sui pule ia Dermot English, o le aoga lenei i Aukilani e tusa male 550 tama Samoa o loo aoaoina ai ma o le 66 pasene lea o le aoga.

“E ova ma le afa o le aoga o tamaiti Samoa. E leiloa pe tutusa le matou numera ma Samoa College.

O se tulaga o loo tulimataia pea i lenei malaga, ina ia faataua le aganuu a Samoa ma ia iai nisi o tulaga e suia i le vaai, ma fou i le ola aoaoina o le fanau o le a maua atu i lo tatou atunuu.


Maina Vai

Maina Vai of Fasitoouta is a mother of five. Maina has recently graduated with a Certificate of Customary Adjudication from the National University of Samoa.
Maina Vai