Lapataiga o Timuga Mamafa ma Savili Malolosi

0
260

LIPOTI MAI LE OFISA O VAAI TAU, 5am, 9 TESEMA 2020.

FA’AMATALAGA O UIGA LOULOUĀ OLE TAU NUMERA ONO (B06) MO LAUFANUA MA GATAIFALE O SAMOA.
FA’AMAUINA E LE OFISA O LE VA’AI-TAU I LE ITULA E 5:00 I LE TAEAO NEI
ASO LULU 09 TESEMA 2020

FA’AMALOSIA: LAPATA’IGA O TIMUGA MAMAFA.
FA’AMALOSIA: LAPATA’IGA MO ‘OGASAMI.
FA’AMALOSIA: LAPATA’IGA MO SAVILI MALOLOSI.
FA’AMALOSIA: LAPATA’IGA MO LOLOGA.

O le peāu māmā o le ‘ea o lo’o ta’oto nei i luga o Samoa ua avea nei ma Ta’aviliga Vaivai o Savili 01F i le taeao nei pe a fua i ata satelite fa’apea fa’amaumauga lata mai. Ae peita’i o le vaega o fetaia’iga o savili ma timuga e feso’ota’i atu i le Ta’aviliga Vaivai o Savili 01F e fa’amoemoe e aumaia uiga loulouā o le tau mo le asō aga’i i le po a nānei. E fa’amoemoe e aga’i i Sisifo ma mamao ese atu mai Samoa lenei Ta’aviliga Vaivai o Savili 01F a’o a’afia ai Samoa i le fetaia’iga o savili ma timuga. O LAPATA’IGA UMA E PEI ONA TU’UINA ATU O LO’O FA’AMALOSIA PEA se’i vagana ai le LAPATA’IGA MO LOLOGA lea ua fa’amalosia i le taeao nei ona o uiga loulouā o le tau o lo’o a’afia ai le Atunu’u.

A’afiaga mo le Atunu’u:
E puaoa ma malolosi le fa’ata’uta’u o savili i timuga, e mase’ese’e ma puaoa auala i nofoaga maualuluga, ma e lolovaia nofoaga i tafāala ma e ono iai lologa ma ele’ele solo. E matua sousou ma a’ave au le sami.

(O le isi fa’amatalaga o uīga loulouā o le tau ole‘ā tu’uina atu i le itula e 5:00 i le afiafi.)

Disaster Management Office – Samoa
Samoa Fire and Emergency Services Authority
Ministry of Natural Resources and Environment Samoa
Talofa FM
Showers of Blessing Radio
Laufouoletalalelei
Catholic Media Samoa – Upu Mana Tv
EFKS TV2
Radio Polynesia
Government of Samoa

Click link for English
http://www.samet.gov.ws/index.php/forecasting-services/severe-weather-information