Komesina Fou mo le Ofisa o le Komisi o Faigā Palota

0
1802

 

Christmas Specials at Le Well, Savalalo.

Tusia: Sooupu a le Malo ma Ganasavea Manuia Tafeaga. Ua fa’ai’ugāfonoina e le Kapeneta, le tofia ai o le afioga iā Tuiafelolo Alexander John Stanley e avea ma Komesina Fou mo le Ofisa o le Komisi o Faigā Palota mo le lima tausaga.

Ua silia ma le 30 tausaga le tautua o lenei tamalii i le Mālō.

Sa ia galue i le Ofisa o le Komisi o Galuega a le Mālō (PSC), o le Auaunaga Fa’alesoifua Mālōlōina (NHS), avea ma Fa’auluuluga i le Vaega a le Corporate Governance i le Pulega o Malosi’aga Tau ‘Eletise (EPC) fa’atasi ai ma isi auaunaga i le Mālō.

Ua lava lona silafia i tiute fa’ata’ita’i aemaise o ona tomai ma agava’a e tapena ai fuafuaga mamao, ma le fa’agasologa o tiute fa’atino ina ia taunu’u so’o se galuega o fuafua.

O Tuiafelolo ua lava lona silafia i le Tulafono o Faigā Palota 2019 aemaise o Tulafono uma e fa’agaioi ma fa’amautū ai le tuto’atasi o fa’ai’uga fai a le Ofisa o le Komisi o Faigā Palota.

O lenei tamāli’i o le atunu’u, o lo’o ia umia Fa’ailoga Tauāloa o le Master in Business Administration, Bachelor in Management and Public Administration, Tipiloma i le Public Sector Management ma le Tipiloma i Tulaga Tau A’oa’oga (Education).

E galulue i laua ma lona faletua ia Va Taulealo i le EFKS i Tuanai. E 58 tausaga o lona soifua ae toafa nai a la’ua alo.

O le ua tofia e na te umia ni suafa matai e ono. O le suafa Faigā i Tuanai ma le Toleafoa i Fasitoo-tai faapea ma le suafa Tuiafelolo i Saanapu.

Mai le motu tele i Salafai na te umia foi le suafa Tofilau i Iva faapea le Luamanuvae i Salelologa, ma le suafa Punaselutu i Lano Savaii.

O lenei avanoa sa umia e le afioga ia Faimalomatumua Mathew Lemisio, ae ua faamavae o ia.