Ua ioeina e se tasi o alii moliaga o le faaoolima lea i Malu o le Malo ao faatino a latou tiute.
I le valaauina o lenei mataupu i le Aso Lua 31 Oketopa i luma o lana Afioga Fepuleai Ameperosa Roma, na tulai ai le taulealea o Opetaia Ogelino Tupuivao Siliva, ma ia ioeina ai moliaga a le itu a Leoleo.
I le tolaulauga o faamaumauga a Leoleo, e eseese aso na faatinoina ai le faaoogalima ma e eseese foi leoleo na aafia i lea soligatulafono.
O lenei faalavelave na tulai mai ia Aukuso o le tausaga lava nei. E tulai mai lea soligatulafaono, ae o loo iai foi se poloaiga a le Faamasinoga sa tuuina atu mo Opetaia e nofo vaavaaia ai mo le sefulu ma le valu (18) masina, e mafua mai lava i nisi foi o soligatulafono sa aafia ai i le 2021 agai mai le 2022.
I faamaumauga o le ofisa nofo vaavaaia, sa faatonuina le Faamasinoga le auai o Opetaia i aoaoga Salvation Army mo le tolu(3) vaiaso, ae peitai ma faailoa ma e le ofisa i luma o le Faamasinoga, e lei usitaia e Opetaia poloaiga a le Faamasinoga e auai ai i aoaoga.
O loo faaauau pea ona nofo taofia Opetaia, ae faatulaga le Faamasinoga le faaiuga o le masina o Novema e tuuina mai ai se faasalaga.
- “O se meaalofa mo si o’u tamā ua fai’ilagi lana folauga, ma si o’u tinā sa tapua’i ma loimata” - December 1, 2023
- USD$500 ua Faasalaina ai Samoa Airways e le Malo o Amerika Samoa i le Mataupu a le Faipule Salega 1 - November 30, 2023
- Faamaonia Moliaga a se Alii sa Faigaluega i Le Ofisa o Tiute i Lona Aumaia o Fualaau Faasaina i Totonu o le Atunuu - November 30, 2023
