Ua ioeina e le Taitai o le Tapuaiga Isalama i Samoa, o le faalapotopotoga o loo tau ma Isaraelu, o le Hamas, o i latou mai le tapuaiga Isalama. O le finagalo lea o le taitai o le Isalama i Samoa, le Susuga ia Dr Laulu Mohammed Daniel Stanley.
Saunoa Mohammed, “O le uiga o le upu Isalama i le gagana Arapi, o le filemu (peace) ma o se tapuaiga e foliga tutusa lava ma tapuaiga Kerisiano. E iai foi latou e solitulafono, e tai tutusa lava ma soligatulafono o loo alia’e mai i lotu Kerisiano. O le Isalama e tapuai ona tagata ma le faamaoni, e naunau foi e fai le mea sili e faailoa ai lo latou loto atoa e finau ai mo le mea sili i lo latou talitonuga.”
O le tapuaiga Isalama, ua silia ma le sefulu tausaga o faatuina i le afioaga o Vaiusu. E silia ma le lima sefulu ona sui auai, e mafuli lava i tagata nuu o Palesitina, Initia ma Pakistan, o loo aumau i Samoa ma galulue ai ma faatuina ai latou pisinisi, o fale faatau taavale, o fale telefoni ma isi lava auaunaga.
O le taitai o le Isalama i Samoa nei o le Susuga ia Dr Laulu Mohammed Daniel Stanley, o se tasi o tamalii ua leva ona tautua i le Malo o Samoa. Ua faasuafaina o ia i le igoa Arapi o Mohammed. O Dr. Laulu Mohammed o loo ia umia nisi o faailoga e pei o le:
- Dr PHD Accounting
- Dr Management
- Dr Jurism (Law)
Ua 79 tausaga o le soifua, ua ia faailoa foi lona talitonuga, o tagata Arapi e tupuga mai ia Isamaeli, le atalii o Aperaamo ia Isakara. E talitonu foi Dr. Laulu Mohammed, “O loo sa’o le finau a Palesitina, o ona eleele i Gaza o loo ua faoa e Isaraelu i le tausaga 1947 na faatulai mai ai le Malo Isaraelu.”
- “O se meaalofa mo si o’u tamā ua fai’ilagi lana folauga, ma si o’u tinā sa tapua’i ma loimata” - December 1, 2023
- USD$500 ua Faasalaina ai Samoa Airways e le Malo o Amerika Samoa i le Mataupu a le Faipule Salega 1 - November 30, 2023
- Faamaonia Moliaga a se Alii sa Faigaluega i Le Ofisa o Tiute i Lona Aumaia o Fualaau Faasaina i Totonu o le Atunuu - November 30, 2023
