Ua ioeina e le faipule o Aleipata itupa i lalo, o ia foi sa avea ma Minisita o Pisinisi Alamanuia ma Leipa, moliaga e uiga i se faalavelave tau taavale na tulai mai ia Aperila.
I le toe tula’i ai o le afioga ia Faleomavaega Titimaea Tafua i luma o le Faamasinoga Faaitumalo i lenei vaiaso sa ia ioeina ai moliaga e lua e tauala mai lana loia le susuga ia Afa Lesa.
E lua moliaga e aofia ai le ave taavale matautia, ma le ave taavale faatamala ua mafua ai manuaga.
Ua faatulaga e le Faamasinoga le Aso 28 o Iulai 2025 e fofogaina ai le faasalaga.
O se faalavelave tau taavale na tulai mai luga le mafa pe tusa o le 3 le afiafi o le Aso Toanai aso 29 o Mati, na fetoai ai le taavale sa faafoeina e le faipuleo.a ae isi taavale sa malaga atu ai se aiga e toafa.
O le faamatalaga mai le Komesina o Leoleo ina ua tula’i mai le faalavelave, e le’i iai se aafiaga o le ava malosi ae o le saoasaoa o le taavale sa faafoeina e faipule na mafua ai le faalavelave.
O le amataga o le tausaga nei ia Ianuari na tofia ai Faleomavaega Titimaea Tafua e avea ma Minisita.
Ina ua tula’i mai le faalavelave tau taavale, sa faamavae aloaia ai loa Faleomavaega mai lona tofiga o le Minisita o Pisinisi Alamanuia ma Leipa, se ia maea le taunuuga o lana mataupu.
- Moomia e le Faamasinoga Mafuaaga Tatau e toe Faitau ai Palota mo Itumalo e 10 - September 10, 2025
- Vave ona talia ma faaulufale e Faumuina le ifoga a Alii ma Faipule o Safua - September 9, 2025
- Talosaga Faaolatane Fiu lea sa tū lua, ina ia Toe Faitauina Palota mo Palauli 2 - September 8, 2025
