24 Aokuso 2020, Mulinuu, Apia Samoa. E 72 tausaga o se tamā matua lea na ia ioeina i le taeao analeila i luma o le Fa’amasinoga Maualuga se moliaga e tasi o le fai’aiga fai fa’amalosi ma lona lava afafine fai (step daughter), po’o se teineititi e laititi i lalo o le tulafono na tu’uina atu i lana tausiga.
O le tali ioe a le tamā matua lenei na fa’aui atu i lana loia ia Alex Su’a ina ua fofogaina i luma o lana afioga i le Fa’amasino Sili, Satiu Simativa Perese.
Sa talosaga le alii loia e fa’aui i tua ma fa’aleaogaina le isi moliaga o le mataifale (incest), ma na talia e le itu a leoleo ma fa’aui ai i tua i le pule a le Fa’amasinoga.
E fa’apea tolaulauga o lenei mata’upu na tupu mai lenei soligatulafono i se tasi o afio’aga i Savaii.
E tusa ai ma ala masani a le Faamasinoga e puipui ai le fanau teine, e faasaini ona faasalalau ma faailoa le suafa o ē ua aafia.
Ina ua ioeina e lenei tamā le moliaga ua tu’ua’ia ai o ia, ua tu’uina atu ai nei le lauina o lona fa’asalaga e le afioga i le Fa’amasino Sili ia Satiu mo le aso 24 o le masina o Setema i luma lava o lana afioga i le Fa’amasino Sili.
O le vaiaso na mavae atu nei sa tulai ai se isi foi tamā e 82 tausaga lona matua, e na te ioeina ni moliaga se lua o le pule le uma (carnal knowledge) ua ia fai agai i se teineitiiti e 12 tausaga, e lā te aiga foi.
O lena mataupu ua tu’uina atu le lauina o le i’uga i le aso 01 Setema 2020.
O nei mata’upu o lo’o va’aia pea le fa’atupula’ia pea ona tulai mai i luma o le Faamasinoga Maualuga, i le a’afia ai o teineiti laiti i soligatulafono tau faiga’aiga fai fa’amalosi ma sauaga mataga.
Ua maitauina foi le matutua o le to’atele o le itupa malosi ua moliaina ai i vaiaso ta’itasi.
Mo so’o se tasi lava o lo’o a’afia i ituaiga soligatulafono nei tau sauaga mataga, aua ne’i nofoa’i ae vala’au mo se fesoasoani i le Matagaluega o Leoleo i le numera telefoni 22222 po’o le laina vili fua a le To’omaga mo ē Puapuagatia (SVSG) i le numera 800-7874.
- Hearing Date Set for Four People Charged with Sexual Acts on Woman with a Disability - October 5, 2021
- Two Sasina Matai Charged with Uttering Threatening and Insulting Words - October 5, 2021
- Male Prisoner at Tanumalala Pleads Guilty to Acts of Sodomy - October 5, 2021
