Home Faa-Samoa Ioe se Alii Pailate i Moliaga o Sootaga tau Feusuaiga ma se...

Ioe se Alii Pailate i Moliaga o Sootaga tau Feusuaiga ma se Teineitiiti 15 tausaga

0
2212

Ua ioeina e se alii pailate o se kamupani vaalele i Samoa nei, moliaga o le faia lea o amioga tau feusuaiga (sexual connection) ma se teineitiiti 15 tausaga le matua.

O Mikaele Halafihi, 26 tausaga le soifua, o se tagatanuu mai le Malo o Tonga, ae o loo galue o se pailate i Samoa nei.

Ua ia ioeina moliaga e tolu i sootaga tau feusuaiga poo gaioiga matagā – sexual connection i lea teineitiiti.

I taualumaga o le Faamasinoga Maualuga i le vaiaso nei, na toe talosaga ai le Itu a Leoleo ina ia toe faaui mai i tua moliaga sa faailoa i le Aso 7 o Setema 2024 o le faiaiga faamalosi poo le rape, ae tuuina atu moliaga fou ia e tolu.

Na talia e le Faamasinoga le talosaga a le itu a leoleo ma faaleaogaina ai loa le moliaga e tasi sa iai o le faiaiga faamalosi.

O moliaga fou e tolu na ioeina e Mikaele Halafihi e tauala mai lana loia ia Su’a Alex Su’a.

Sa faatulaga mai e le afioga i le Faamasino ia Leiataualesa Daryl Clark le Aso 6 Iuni 2025 mo folasaga mulimuli a loia mo itu e lua, ao le’i tuuina mai se faasalaga a le Faamasinoga.

I totonu o le potu faamasino na molimauina ai le toatele o tagatanuu Toga na auai ai e lagolago ma tapuaia le mataupu. O nisi o le aiga o le alii pailate mai atunuu mamao, faapea fanau aoga mai le Malo o Tonga o loo a’otauina i totonu o Samoa nei.

O le tausaga ua tuanai atu na tulai mai ai lea faalavelave i le afioaga o Vailele.

O loo tatala  tua Iea alii i aiaiga masani o le saini i le Ofisa o Leoleo, ma tapu ona malaga atu i fafo.

LEAVE A REPLY

Please enter your comment!
Please enter your name here