Ioe i Moliaga o le Fasiotioti Tagata Faamoemoeina

0
1008

Ua suia le tali tete’e i le tali ioe a le alii o Iakopo Simeti i le faamasinoga maualuga i le moliaga o le fasioti tagata faamoemoeina atoa ai ma le moliaga o le faaaupegaina i se aupega matautia.

O le Aso 12 o Me i le tausaga nei sa faatino ai e Iakopo Simeti mai afioaga o Fatuvalu, Safune ma Falelauniu-Uta lenei solitulafono.

Na faaaupegaina o ia i se agaese (naifi) ma ia tuiina ai Alapati Fiti Avealalo ma maliu ai.

21 year old Iakopo Simeti with lawyer Su’a Helene Wallwork

O lenei faalavelave na mafua mai i se inuga ava a le ua molia ma nisi e aofia ai ma le ua maliu.

O ni upu felafoa’i i le taimi o le inuga na mafua ai ona tulai le ua molia ma agai i lona fale, ma le ita tele na toe foi mai ai ma le agaese ma tatui ai le ua maliu.

Sa tuuina mai e le tamaitai loia o loo tu mo Simeti, o Su’a Helene Wallwork, le finagalo o le ua molia, e sui lana tali, ma ioe loa i ona moliaga.

O Iakopo Simeti sa taua foi e le itu a leoleo, o loo iai nisi moliaga faaopoopo o loo fia tuuina mai.

O le Aso 22 Ianuari o le tausaga fou e lau ai e le alii faamasino ia Leiataualesa Daryl Clarke le iuga o Simeti (sentencing) pe a maea ona faafofoga le faamasinoga i folasaga mulimuli a loia.

O le Aso 18 o Tesema e moomia ai le failaina atu o folasaga a le itu o leoleo faapea foi le itu tetee.


Maina Vai

Maina Vai of Fasitoouta is a mother of five. Maina has recently graduated with a Certificate of Customary Adjudication from the National University of Samoa.
Maina Vai