“I lou manatu faa-Minisita o Tupe, e tatau lava ona iai se tatou vaalele.” O le finagalo lea o le Afioga ia Lautimuia Uelese Afoa Vaai.
Saunoa Lautimuia, sa latou feiloai ma le Minisita o Tupe a le Malo o Fiti, ma le latou Kovana Tutotonu, ma māua ai o le 90% o le aitalafu a le Malo o Fiti e tusa lea ma le 90% o le tamaoaiga (90% of GDP).
“Ae ua faaitiitia nei i le 80% ae mafua ona faitiitia, o lana kamupani vaalele..”
“Ma o lo’u talitonuga foi lea faa-Minisita o Tupe. E tatau ona iai se tatou vaalele.”
Saunoa foi le Minisita, o Samoa ua faitiitia i le 30% o le tamaoaiga lana aitalafu ma o se paū mai le 50% sa iai.
“O lea ua toe matala mai ai faitotoa o le Faletupe o le Lalolagi (World Bank) mo nisi nonoga tupe..”
“Ae o le toe iai o se tatou vaalele, pau lea o le auala tatou te fesoasoani ai i le competition i le tau o pasese o loo iai nei, aemaise o se itu lelei mo le itu tau turisi.”
Saunoa le afioga i le Minisita, e le fesiligia le tatau lava ona iai se vaalele faavaomalo (international) a Samoa, ae ia mataitu lelei aiaiga e tatau ona mulimulitai iai mo le lisiina o vaalele.
“E ao ona tatou tilotilo ia sa’o le taimi e aumai ai le vaalele, ia sa’o le ituaiga vaalele e aumai, ma ia sa’o fo’i nofoaga e fealuai ai le vaalele.”
O le tula’i mai o le finagamalo o loo iai nei, sa faafoi ai le vaalele a le Samoa Airways na polokalame e le faigamalo talu ai, ina ua fofogaina se fautuaga e le’i lelei ma atoatoa aiaiga o le lisi mo Samoa.
I lena taimi sa saunoa ai foi le Minisita sa gafa ma le kamupani vaalele, le Afioga ia Leatinuu Faumuina Wayne Sooialo, e toe aumai lava se vaalele a Samoa, ae e iai le taimi.
O le taimi nei mo femalagaaiga a le mamalu o le atunuu i le va o Niu Sila ma Ausetalia, ua faateteleina le taugata o pasese i le Air New Zealand, ae maise pe a tuai ona sure avanoa. Ae o le toatele o tagatanuu o Samoa, e malaga ona o faalavelave, e le mafai ai ona vave book avanoa mo valele.
Mo se faataitaiga, Ua oo atu lava i le tolu afe ma le fa afe tala Samoa ($3000 – $4000) poo le lua i le tolu afe tala Niu Sila le tau o pasese i le 3 itula e alu ai le vaa i Aukilani.
O pasese tau feololo a le Fiji Airways lea ua tele ina malaga ai le mamalu o le atunuu, ae maise pe a sue nei le avanoa mo le faalavelave, ae malaga taeao.
Vacancy
- “O se meaalofa mo si o’u tamā ua fai’ilagi lana folauga, ma si o’u tinā sa tapua’i ma loimata” - December 1, 2023
- USD$500 ua Faasalaina ai Samoa Airways e le Malo o Amerika Samoa i le Mataupu a le Faipule Salega 1 - November 30, 2023
- Faamaonia Moliaga a se Alii sa Faigaluega i Le Ofisa o Tiute i Lona Aumaia o Fualaau Faasaina i Totonu o le Atunuu - November 30, 2023
