Fitusefulu (70) ē ua Maliliu i le Misela

0
431

TULAGA UA IAI LE PIPISI OLE FA’AMA’I OLE MISELA
Ua faamaonia mai i fa’amaumauga a le Soifua o Maloloina e 4,693 gasegse ua a’afia i auga ole misela. Mai lea fuainumera e 112 i latou na fa’amauina i totonu ole 24 itula.

Ua fa’amauina e 159 ni gasegase ua a’afia ile misela olo’o taofia i totonu o maota gasegase eseese i totonu ole atunuu e aofia ai ma le 120 olo’o taofia ile falemai a le Tupua Tamasese Meaole i Moto’otua (TTMH), 3 i Poutasi, 2 i Lalomanu, 24 ile falemai fa’aitumalo a Leulumoega, 3 olo’o ile falemai a Malietoa Tanumafili II (MTIIH) 5 i Foailalo 1 Sataua ma le 1 i le falema’i faaitumalo Safotu. O lenei fuainumera e aofia ai fanau laiti e 16 ma tinā ma’i to e 2 olo’o taofia ile Potu Tigaina (ICU) ile falema’i i Moto’otua.

Mo le silafia, e 1,477 i latou na taofia talu mai le amataga ole pipisi ole fa’ama’i o le misela. E o’o mai ile taimi nei, e 1,248 (84%) i latou ua togafitia ma te’a i tua.

Ua fa’amauina e 70 i latou ua maliliu ona o a’afiaga ole misela.

FA’AMAUMAUGA FA’AFUAINUMERA
Tausaga Aofaiga o tagata ua a’afia ile misela i totonu ole 24 itula Aofaiga o tagata ua a’afia ile misela Aofaiga o tagata ua maliliu ona ole misela
0-5 masina 3 335 9
6-11 masina 12 572 19
01-4 tausaga 38 1528 33
05-9 tausaga 15 463 1
10-14 tausaga 1 137 1
15-19 tausaga 8 464 3
20-29 tausaga 18 724 2
30-39 tausaga 11 291 2
40-49 tausaga 6 129 0
50+ tausaga 0 19 0
Tausaga olo’o misi 0 31 0
Aofaiga 112 4693 70

TULAGA UA O’O IAI LE TUI PUIPUI:

O pasene nei o le faitau aofai o i latou ua faatinoina o latou tui puipui o le misela e oo mai i le Aso 8 o Tesema 2019, mo Upolu ma Savaii.

• 6 masina-4 tausaga: 85%
• 5-19 tausaga: 96%
• 20-35 tausaga: 105%
• Isi tausaga: 86%

Mo nisi fa’amatalaga fa’afeso’ota’i mai le Ofisa Tutotonu mo Fa’alavelave Matuia, (National Emergency Operation Center) ile telefonni 997 po’o le 911