Finagalo le Komiti Faapalemene e toe Faafoi Samoa i ona Itumalo Faaleaganuu

"E talitonu le Komiti o se vaevaega talafeagai lea o loo taoto lelei ai saofaiga o afioaga ma itumalo, e le gata i Tumua nei ae faapea ma Puleono i Salafai."

0
1747

Ua finagalo le Komiti Faapalemene e toe faafoi Samoa i ona itumalo faaleaganuu sa iai i le amataga

I le tauaofia ai o le fono usu a Samoa i le vaiaso nei, na folasia ai le ripoti na lilifa iai finagalo o le Komiti Faapalemene, e tusa ma lau liliuina o le ripoti a le Komisi Suesue o Faigapalota.

I le saunoaga o le Taitaifono iā Auapaau Mulipola Aloitafua, “Ona o le tulaga ua maitauina le aafiaga faaletuaoi o nuu, ma saofaiga faaleaganuu, ua autasi ai le finagalo o le Komiti e toe faafoi itumalo faapalota fa’aalalafaga, e 49 ai nofoa a le Palemene.”

“E talitonu le Komiti o se vaevaega talafeagai lea o loo taoto lelei ai saofaiga o afioaga ma itumalo, e le gata i Tumua nei ae faapea ma Puleono i Salafai.”

O suiga ua fuafuaina i le ripoti, e aofia ai:

Itumalo o Gaga’emauga 2 –  O Saleaula ma Salamumu, ia toe foi Salamumu i Saleaula e fai filifiliga faatasi ai i faigapalota a le atunuu. O Saleaula o se tasi o tootoo e ono iai Pule o Salafai, ao le aveesea ai o lona nofoa ua le toe atagia ai lea faalagiga.

Itumalo o Gagaemauga 1 – ia aiaia le toe foi o le alalafaga o Leauvaa i le itumalo Gagaemauga numera tasi, e pei ona iai i le amataga.

Faleata – ia aiaia le faatumauina pea o nofoa e 4 mo le itumalo o Faleata, o lona lalagiga, e le o itumalo faapalota ae o itumalo faaleaganuu.

Win a Tropical Getaway holiday in Samoa when you book a return airticket during 1st to 31st October 2023.

Itumalo Faa Vaimauga – ia aiaia foi le faatumauina o nofoa e 4 mo le itumalo o Vaimauga.

Aiga le Tai – ia faatumauina le faatuina o se isi nofoa faaopopo e vaeluaina ai le itumalo o Aiga i le Tai.

Ia faaofi le vaevaeina lenei mo le itumalo Aiga le Tai
1 – Sagafili, Mulifanua, Samea, Fuailoloo, Lalovi.
2 – Aiga le Tai atu Motu.
Manono Tai, Manono Uta, Apolima Tai, Apolima Uta.

E tusa ma faamaumauga a le komesina o faigapalota, e tasi lea itumalo e tele lona lola palota, e lona lua ia Faleata le toatele o le lola palota.

Ia aiaia nofoa e tolu mo le itumalo tu taulaga:
* Itumalo Taulaga Sasa’e
* Itumalo Ogatotonu
* Itumalo Tautaulaga Sisifo.

O loo faasolo pea felafolafoaiga a sui faipule o le maota i le lipoti a le komiti faapalemene sa latou iloiloina fautuaga na tuuina atu e se Komisi faapitoa na latou faatalanoaina mataupu tau faigapalota ma le atunuu.